ЯҢАЛЫКЛАР
«Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесе «Азнакай шәһәрендә теннис уены өчен мәйданчык төзелеше» объектының проект документларын һәм инженерлык эзләнүләр нәтиҗәләрен карап үтте.
«Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесе «Саба» индустриаль паркының беренче чиратын төзү» объектының проект документларын һәм инженерлык эзләнүләр нәтиҗәләрен карап үтте.
2019 елның 1 гыйнварыннан «Россия Федерациясе Шәһәр төзелеше кодексына һәм Россия Федерациясенең аерым закон актларына үзгәрешләр кертү турында» 2018 елның 3 августында чыккан 342-ФЗ номерлы РФ Федераль законы нигезендә проект документларына экспертиза үткәрү үз эченә РФ бюджет системасы бюджетлары акчаларын, РФ, РФ субъектлары, муниципаль берәмлекләр белән булдырылган юридик затларның, устав (склад) капиталларында РФ, РФ субъектларының, муниципаль берәмлекләрнең өлеше 50% тан артык санны тәшкил итүче юридик затларның акчаларын җәлеп итеп финанслана торган смета бәясен билгеләүнең дөреслеген тикшерүне ала.
«Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесе Казанда, Алабугада һәм Лениногорскида күпкатлы торак йортлар төзелешенә карата проект документларын һәм инженерлык эзләнүләр нәтиҗәләрен карап үтте. Тәкъдим ителгән документлар техник регламентларның таләпләренә, шул исәптән санитар-эпидемиологик, экологик таләпләргә, янгыннан саклау таләпләренә, шулай ук инженерлык эзләнүләр нәтиҗәләренә туры килә. Инженерлык эзләнүләр нәтиҗәләре техник регламентлар таләпләренә туры килә. Экспертиза нәтиҗәләре буенча уңай бәяләмәләр бирелде.
2019 елда республикада финанслау кысаларында республика һәм федераль бюджет акчалары хисабына мәктәпкәчә белем бирү учреждениеләрен төзү буенча программаны гамәлгә ашыру дәвам итә. Программаның максаты – яңа урыннар булдыру һәм Татарстан Республикасының мәктәпкәчә белем бирү учреждениеләрендә чиратларны бетерү. 2021 елга, Россия Президенты Владимир Владимир улы Путинның яңа май указлары нигезендә, Татарстанда 3 яшькә кадәрге балалар балалар бакчаларында урыннар белән тәэмин ителергә тиеш. Программа кысаларында инде 200 дән артык яңа балалар бакчасы төзелде һәм 31 000 яңа мәктәпкәчә яшьтәге балалар өчен урын барлыкка килде.
2019 елның 20-21 февраль көннәрендә «ТР төзелеш һәм архитектура буенча дәүләт экспертизасы һәм бәя кую идарәсе» ДАУ белем бирү үзәге («ПрофСтандарт») «Күпфатирлы йортлар белән идарә итү һәм коммуналь ресурслар белән тәэмин итү буенча эшчәнлекне норматив һәм суд ягыннан җайга салу» дигән семинар оештыра.
2019 елның гыйнвар аенда объектларны проектлаштыруның, төзүнең һәм эксплуатацияләүнең яңа кагыйдәләре, шулай ук хәзерге вакытта булган кагыйдәләр җыелмаларына үзгәрешләр гамәлгә керде.
2019 елның 15 февралендә «ТР төзелеш һәм архитектура буенча дәүләт экспертизасы һәм бәя кую идарәсе» ДАУ белем бирү үзәге («ПрофСтандарт») «Татарстан Республикасында законнардагы үзгәрешләрне исәпкә алып, торак-коммуналь хезмәтләр күрсәтелү тәртибе һәм кагыйдәләре» дигән семинар оештыра.
2019 елда безнең республиканың 936 күпфатирлы йортларында капиталь ремонт көтелә. «Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесе гыйнвар аенда Казан, Азнакай, Аксубай, Баулы, Бөгелмә, Алабуга, Зәй, Яшел Үзән, Кукмара, Лениногорск, Ютазы Татарстан Республикасы муниципаль берәмлекләрендә торак йортларның капиталь ремонты буенча эшләргә карата смета бәясенең дөреслеге турында 228 уңай бәяләмә бирде.
2019 елның 2 февраленнән 2018 елның 21 декабренда чыккан 842/пр номерлы Россия төзелеш министрлыгының боерыгы гамәлгә керде, ул күпфатирлы йортларда капиталь ремонт үткәрүне тәэмин итә торган оешма җитәкчесенә квалификацион таләпләр билгели. Җитәкче – профильсез югары белемле, әмма ТКХ өлкәсендә зур эш тәҗрибәсе булган зат булырга мөмкин.