ЯҢАЛЫКЛАР
2019 елның 21 июнендә «ТР төзелеш һәм архитектура буенча дәүләт экспертизасы һәм бәя кую идарәсе» ДАУ белем бирү үзәге («ПрофСтандарт») «РосКапСтрой» ФАУ белән берлектә «Төзелештә экспертиза реформасын гамәлгә ашыру. Бәя кую һәм сметаны нормалаштыру. Экспертларны аттестацияләү» темасы буенча семинар оештыра.
«Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесенә Казан шәһ. Чуйков ур., 54 адресы буенча «7 нче Шәһәр клиник хастаханәсе» дәүләт автоном сәламәтлек саклау учреждениесе җирлегендә дәвалау-тернәкләндерү үзәген төзүнең беренче этап документлары экспертизага тәкъдим ителде, алар суүткәргеч насос станциясен төзүне һәм төзелеш территориясеннән инженерлык челтәрләрен яңадан күчерүне (чыгаруны) үз эченә алган территорияне әзерләүне күздә тота. Экспертиза нәтиҗәләре буенча уңай бәяләмә бирелде.
«Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесе Иннополис шәһ. мәдәни үзәк төзелешен килештерде. Экспертизага тәкъдим ителгән проект документлары техник регламентларның, шул исәптән санитар-эпидемиологик, экологик таләпләргә, янгыннан саклау таләпләренә, шулай ук инженерлык эзләнүләр нәтиҗәләренә туры килә. Капиталь төзелеш объекты буенча инженерлык эзләнүләр нәтиҗәләре техник регламентлар таләпләренә туры килә. Экспертиза нәтиҗәләре буенча уңай бәяләмә бирелде.
«Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесе белгечләре тарафыннан Яр Чаллы шәһәренең ике объектын төзүгә һәм реконструкцияләүгә карата уңай бәяләмәләр бирелде. Проект документларына һәм инженерлык эзләнүләр нәтиҗәләренә экспертизаны Яшьлек микрорайонының 65нче комплексында 1224 укучыга исәпләнгән урта гомуми белем бирү мәктәбе төзелеше һәм Муса Җәлил ис. проспектны реконструкцияләү проектлары үтте.
«Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесе Казан шәһәрендәге «Салават Күпере» торак районының ике йортын төзү буенча проект документларын һәм инженерлык эзләнүләр нәтиҗәләрен карап үтте. Экспертиза нәтиҗәләре буенча уңай бәяләмәләр бирелде.
Хөрмәтле хезмәттәшләр, дуслар, яраткан илебезнең гражданнары! «Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» ДАУ һәм шәхсән үз исемемнән сезне мөһим һәм әһәмиятле дәүләт бәйрәме – Россия көне белән чын күңелдән котлыйм!
Россия Федерациясенең Шәһәр төзелеше кодексында (55.5−1 маддәсе) җитәкчеләр өчен дә, белгечләр өчен дә квалификация күтәрү мәҗбүри дигән сүзләр закон белән беркетелгән, һәм бу 5 елга бер тапкырдан да ким булмаска тиеш. Мәгариф учреждениесенә аерым игътибар бирергә кирәк: мондый белем алулар белем бирү эшчәнлегенә карата лицензиясе булган белем бирү үзәкләре базасында үткәрелергә тиеш. Сайлап алган вакытта белем бирү йорты статусына, квалификацияле укытучылар составына да, уңайлы вакытта эштән аерылмыйча, белем алу мөмкинлегенә ия булган заманча укыту формаларына да игътибар итәргә кирәк. Мондый формаларга, аерым алганда, вебинарлар, онлайн-курслар керә. Югарыда санап үтелгән барлык компетенцияләргә дә «Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» ДАУ белем бирү үзәге ия, ул төзелеш тармагы өчен төрле укыту чаралары һ.б. үткәрә.
2019 елның 9 июнь көнендә «Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесенең җитәкчесе Мәҗит Хаҗип улы Салихов Балтач штб Сабантуй татар милли бәйрәмендә мәртәбәле кунак буларак катнашты. Бәйрәм мәйданы гадәттәгечә «Сабантуй» ял паркында урнашты. Чара район башлыгы Рамил Рәшит улы Нотфуллин һәм районның мактаулы кешеләре катнашында үтте.
2019 елның 19-20 июнь көннәрендә «Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесе төзелеш контролен, авторлык күзәтчелеген, дәүләт төзелеш күзәтчелеген гамәлгә ашыручы төзелеш һәм проект оешмалары, төзүче һәм техник заказ бирүче хезмәтләре җитәкчеләре һәм белгечләре өчен «Төзелештә авторлык күзәтчелеге» программасы буенча квалификация күтәрү курсларын оештыра.
2019 елның май аенда «Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесе социаль-мәдәни билгеләнештәге 18 объектның (театрлар, музейлар, дуслык йортлары, китапханәләр, концерт заллары һ.б.) капиталь ремонты буенча смета бәясенә тикшерү үткәрде. Экспертиза нәтиҗәләре буенча ТР Казан, Яр Чаллы, Иннополис, Әлмәт, Әтнә, Балтач, Биләр, Чүпрәле, Минзәлә, Түбән Кама МБ урнашкан объектлар буенча уңай бәяләмәләр бирелде.