7 нче Шәһәр хастаханәсе җирлегендә яңа тернәкләндерү үзәге ачылачак
«Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесенә Казан шәһ. Чуйков ур., 54 адресы буенча «7 нче Шәһәр клиник хастаханәсе» дәүләт автоном сәламәтлек саклау учреждениесе җирлегендә дәвалау-тернәкләндерү үзәген төзүнең беренче этап документлары экспертизага тәкъдим ителде, алар суүткәргеч насос станциясен төзүне һәм төзелеш территориясеннән инженерлык челтәрләрен яңадан күчерүне (чыгаруны) үз эченә алган территорияне әзерләүне күздә тота. Экспертиза нәтиҗәләре буенча уңай бәяләмә бирелде.
Проектлаштыруга бирем белән проектлаштыруның 2 этабы һәм дәвалау-тернәкләндерү үзәгенең төзелеше каралган. Төзелешнең икенче этабында аерым проект документлары белән яңа корпус төзелеше каралган.
«Казан шәһ. Чуйков урамы буенча «7 нче Шәһәр клиник хастаханәсе» дәүләт автоном сәламәтлек саклау учреждениесе җирлегендә дәвалау-тернәкләндерү үзәген төзү. 1 нче этап. Насос станциясен төзү һәм төзелеш территориясен әзерләү» объектының проект документлары техник регламентларның, шул исәптән санитар-эпидемиологик һәм экологик таләпләргә, шулай ук инженерлык эзләнүләр нәтиҗәләренә туры килә. Объект буенча проект документларын әзерләү өчен башкарылган инженерлык эзләнүләр нәтиҗәләре техник регламентлар таләпләренә туры килә.
Мөрәҗәгать итүчеләр экспертиза үткәрү максаты белән gosekspertiza-rt.ru сайтының Шәхси кабинетында кабул ителү өчен чиратка языла һәм гариза тутыра, электрон рәвештә документлар тапшыра ала.
«Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесе белгечләре тарафыннан экспертизаны электрон рәвештә үткәргәндә теләсә нинди этапта ярдәм күрсәтелә. Моның өчен мөрәҗәгать итүчеләргә + 7 (843) 207-06-04 кайнар линия телефоны яки help.uslugi@tatar.ru электрон почтасы буенча мөрәҗәгать итәргә кирәк.
Электрон хезмәтләр буенча видеоаңлатма