ЯҢАЛЫКЛАР
Россиянең төзелеш министрлыгы 2019 елда уңайлы шәһәр мохитен формалаштыру буенча программаны гамәлгә ашыруга йомгак ясады, аның максаты – Россия Федерациясе субъектларында заманча уңайлы шәһәр мохитен формалаштыру буенча беренчел чаралар комплексын гамәлгә ашыру юлы белән Россия Федерациясенең бөтен территориясендә шәһәр мохитенең сыйфатын һәм уңайлылыгын системалы рәвештә күтәрү өчен шартлар тудыру. Исегезгә төшерәбез, программа 5 елга исәпләнгән. 2024 елга аның төп күрсәткечләренә ирешү планлаштырыла.
«Төзелеш җитештерүен оештыручы» һөнәри стандартын раслау турында» 2014 елның 21 ноябрендә чыккан 930н номерлы Россия хезмәт министрлыгының боерыгы нигезендә (Россия Юстиция министрлыгында 2014 елның 19 декабрендә 35272 номерлы итеп теркәлгән) прораб вазыйфасын башкаручы белгеч 5 ел саен квалификация күтәрү курсларын үтәргә тиеш.
Россиянең төзелеш министрлыгы 2020 елга үзкөйләнешле оешма эшчәнлегенә карата мәҗбүри таләпләрне билгеләде.
«Транспорт инфраструктурасы объектларында биокүчеш юллары. Проектлаштыру кагыйдәләре» яңа КҖ эшләнде, ул үз эченә экодуклар буенча конструктив чишелешләрнең бердәм исемлеген һәм биокүчеш юлларының төрле типларында Россия Федерациясе фаунасының адаптация үзенчәлекләре төрләренең бердәм исемлеген ала.
Татарстан Республикасы төзелеш комплексы белән идарә итүдә оператив карарларны кабул итү, шулай ук заказ бирүче белән подрядчы арасында башкарылган эшләр күләме өчен төзелеш смета бәясен билгеләгәндә бәяләрнең дөреслеген тикшереп һәм чагыштырып тору өчен «Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесе тарафыннан квартал саен төп төзелеш ресурсларына бәяләр мониторингы үткәрелә.
Капиталь төзелеш объектларын төзү бәясен оптимальләштерү һәм тотрыклыландыру максатыннан, ТР Министрлар Кабинеты капиталь төзелеш объектларының төзелеш-монтаж эшләре (төзелеш төрләре, эш төрләре һәм тармаклары буенча) бәясенең федераль берәмлек бәяләренең (ӨБСнан башка) база дәрәҗәсенә карата үзгәреш индексларын тәкъдим итте, шулай ук аерым карарларның гамәлдән чыгуын таныды.
2019 елның ноябрь аенда «ТР төзелеш һәм архитектура буенча дәүләт экспертизасы һәм бәя кую идарәсе» ДАУ белгечләре 63 белем бирү объектының төзелешенә, ремонтына һәм реконструкциясенә карата уңай бәяләмәләр бирде. Татарстан Республикасының Казан, Яр Чаллы, Әгерҗе, Аксубай, Актаныш, Алексеевск, Әлки, Әлмәт, Апас, Арча, Баулы, Буа, Биектау, Чүпрәле, Яшел Үзән, Кайбыч, Кама Тамагы, Кукмара, Лаеш, Лениногорск, Менделеевск, Мөслим, Түбән Кама, Яңа Чишмә, Нурлат, Питрәч, Балык Бистәсе, Саба, Сарман, Тәтеш, Теләче муниципаль берәмлекләрендәге белем бирү учреждениеләренең проект һәм смета документларына экспертиза үткәрелде.
2019 елның ноябрь аенда автомобиль юлларын төзү, реконструкцияләү һәм капиталь ремонтлау буенча республика программасын үтәү кысаларында «ТР төзелеш һәм архитектура буенча дәүләт экспертизасы һәм бәя кую идарәсе» ДАУ 26 юл инфраструктурасы объектларының проект һәм смета документларына тикшерү үткәрде. Тикшерү нәтиҗәләре буенча Татарстан Республикасының Казан, Яр Чаллы, Балтач, Яшел Үзән, Лаеш муниципаль берәмлекләрендә тиешле эшләргә карата уңай бәяләмәләр бирелде.
2020 елның 31 гыйнварында «Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесенең белем бирү үзәге «2020 елга салым администрациясендәге яңалыклар һәм хисап салым сәясәте» дигән семинар үткәрә.
«ТР төзелеш һәм архитектура буенча дәүләт экспертизасы һәм бәя кую идарәсе» ДАУ белгечләре яңа белем бирү учреждениеләренең төзелешенә карата уңай бәяләмәләр бирде. Проект документларына һәм инженерлык эзләнүләр нәтиҗәләренә экспертизаны Әлки муниципаль районының Сиктермә-Хузангай авылындагы 192 укучыга исәпләнгән һәм Биектау муниципаль районының Алат авылындагы 20 урынлы балалар бакчасы булган 80 укучыга исәпләнгән гомуми белем бирү мәктәпләре төзелеше проектлары үтте.