Төзелеш экспертизасы, инжиниринг, цифрлы сервислар: Бөтенроссия киңәшмәсендә төзелеш тармагы экспертлары нәрсәләр турында фикер алыша
Мәскәүдә төзелештә үзара хезмәттәшлек һәм коммуникацияләр үзәге мәйданчыгында дәүләт экспертизасы оешмаларының XI Бөтенроссия киңәшмәсе (ВСОГЭ) старт алды. Традиция буенча, 2015 елдан башлап, аны Россия Федерациясе Төзелеш һәм торак-коммуналь хуҗалык министрлыгы ярдәмендә Россиянең баш дәүләт экспертизасы үткәрә.
Чараны ачып, РФ төзелеш һәм ТКХ министр урынбасары Сергей Музыченко Россия Федерациясе Төзелеш һәм торак-коммуналь хуҗалык министры Ирек Фәйзуллинның сәламләү сүзен укыды.
«Эксперт эшчәнлеген трансформацияләүнең максаты-төзелеш проектлары белән идарә итү сыйфатын яхшырту. Нәкъ менә проектлар белән идарә итүдә һәм яңа цифрлы технологияләр ярдәмендә мәгълүматлар белән эшләүгә күчүдә без төзелеш экспертизасы институтының алга таба үсеше өчен зур потенциал күрәбез. Мин ышанам, мәйданчык традицион рәвештә яңа идеяләр алмашу, яңа чишелешләр эзләү, шулай ук уртак максатларга ирешү өчен диалогны ныгыту өчен киңлек булачак» - Ирек Фәйзуллинның сәламләү сүзендә билгеләп үтелә.
Дәвам итеп, Россия Баш Дәүләт экспертизасы башлыгы Игорь Манылов чыгыш ясады. Ул якындагы елларда экспертизага цифрлы платформа һәм бәя кую системасын үстерүгә, инвестиция-төзелеш циклында катнашучыларның башка системалары белән интеграцияләрне көчәйтүгә һәм ясалма интеллект куллануны киңәйтүгә игътибарны юнәлтү мөһим, дип сөйләде. Главгосэкспертиза «Төзелешнең яңа ритмы» Федераль проектын үтәүгә юнәлдерелгән яңа төзелеш доктринасы концепциясен хуплый – тиз, арзан һәм сыйфатлы төзергә кирәк. Әмма төзелешнең өстенлекле критерийларын исәпкә алып, объектларның ышанычлылыгын һәм куркынычсызлыгын күзәтүләре мөһим.
«Көчле экспертиза көчле заказчыдан башка мөмкин түгел. Цифрлы сервисларны киңәйтү заказчыга катлаулы проектлар белән эшләүне җиңеләйтә торган һәм белешмәләр нигезендә карарлар кабул итәргә мөмкинлек бирә торган инструментлар тәэмин итәргә тиеш. 2030 елга кадәр без ЕЦПЭ-2.0га тулысынча күчүне, ГИС ЕГРЗ һәм ФГИС ЦСны үстерүне планлаштырабыз. бу мәгълүматларның сыйфатына таләпләр югары дәрәҗәдә булган тулы комплекслы системалар, ясалма интелелектны куллануны киңәйтү. Бу системаларда экспертиза практикасына махсуслаштырылган модульләр, шулай ук XML-схемаларын һәм КПСР-инструментын үстерү кертелә» - сөйләүче ассызыклады.
Игорь Манылов тармакның тулы параллель инжинирингка күчүнең төп этабын кичерүе турыда билгеләп үтте. Экспертиза аерым стадия булудан туктый һәм технологик чылбырның бер өлешенә әверелә: инвестицион планлаштыруның башлангыч стадияләреннән реаль вакыт режимында проектлар параметрлары белән идарә итүгә һәм интеграцияләнгән системалар аша төзелеш барышын тикшереп торуга кадәр.
Киңәшмәдә катнашучыларга сәламләү сүзе белән шулай ук Росстройконтроль генераль директоры Владимир Щербинин, «НОТИМ» ассоциациясе президенты Михаил Викторов һәм Россия экспертизалары ассоциациясе (АЭР) идарәсе рәисе Леонид Ставицкий мөрәҗәгать итте.
XI ВСОГЭның төп темаларынның берсе – төзелеш проектлары белән идарә итү өчен төзелеш инжинирингын үстерү. Пленар утырышның беренче өлеше кысаларында спикерлар фаразланган бәяне билгеләү өчен яңа нормативлар кертү буенча тәкъдимнәр әйттеләр, төзелеш инжинирингын, цифрлы инструментларны һәм проектларның бәясен формалаштыру алымнарын үстерүнең төп юнәлешләре турында фикер алыштылар. Төп басым фаразлау бәясен билгеләүнең заманча ысулларына күчү һәм инвестиция-төзелеш проектын гамәлгә ашыруның башлангыч стадияләрендә заказчы белән үзара хезмәттәшлек итү зарурлыгына ясалды.
Россия Төзелеш Министрлыгының бәя кую һәм төзелешне ресурслар белән тәэмин итү департаменты директоры Александр Вилков:
«Бүгенге көндә гамәлдә булган бәяләр системасын – ресур-индекс методын кулланып, конструктив чишелеш нормативлары базасын төзергә тәкъдим итәм. Моны конструктив карарлары буенча проектларның күп төрләрен үз эченә алган типовой проект документациясе һәм НЦС эшләү өчен кулланыла торган документация нигезендә тормышка ашыру мөһим»
Россия Баш Дәүләт экспертизасы башлыгының бәя кую буенча урынбасары Сергей Головин:
«Инжиниринг ни өчен кирәк дигән сорауга җавап биреп, ул кабатлау экспертизаларының санын киметергә мөмкинлек бирәчәк дип әйтергә була. Ул инвестиция алды анализын куллану исәбенә проектларның сыйфатын яхшыртачак, шул исәптән ТЭО, бәягә идарә итү инструментларыннан һәм башка инструментлардан файдалану. Төзелеш проектын гамәлгә ашыру өчен инжинирингның тулы циклын кертү сыйфатсыз проектлау проблемасын хәл итәргә мөмкинлек бирәчәк»
Россия Главгосэкспертизасының инжиниринг үзәге җитәкчесе урынбасары Дмитрий Синицын:
Инжиниринг хезмәтләре күрсәтү кысаларында типовой проект документациясен һәм типовой проект карарларын кулланулары бик файдалы. Проектның иң башында ук оптималь һәм рациональ техник-икътисадый һәм бәя күрсәткечле документация формалаштырырга мөмкинлек бирә. Инжиниринг заказ бирүчегә реалистик бюджет формалаштырырга ярдәм итә, критик куркынычларны алдан ачыкларга һәм проектның барлык стадияләрендә карарларның нигезлелеген тәэмин итәргә мөмкинлек бирә. Бу эре инфраструктура проектларын гамәлгә ашыруны идарә итүчәнрәк, алдан фаразланырлык һәм нәтиҗәлерәк итә».
Капиталь төзелеш буенча директор урынбасары – ГК «Росатом» дәүләт экспертизасы һәм рөхсәт эшчәнлеге идарәсе башлыгы Елена Иванова:
«Проект документациясен сыйфатлы әзерләү төзелеш процессында аңа төзәтмәләр кертмәскә мөмкинлек бирә, – проектны гамәлгә ашыру сроклары кыскара. Эксперт инжинирингы - бу бурычны үтәүнең төп инструментларының берсе, монда якларның үзара сыгылмалылыгын үстерү мөһим».
647 ПАО «Газпром» департаменты башлыгы урынбасары Сергей Буторов:
«Инвесторның фокусы сыйфатлы, җентекләп эшләнгән ТЭО проектын формалаштыруга юнәлдерелергә тиеш. Шулай ук проектның башлангыч этапларында аның бәясен төгәл аңлау мөһим. Нәкъ менә шул вакытта төзелеш нәтиҗәсе заказ бирүчеләрнең өметләренә туры киләчәк».
«Нотех» ассоциациясе президенты Алексей Никитин:
«Инвестиция-төзелеш проектын гамәлгә ашыру барышында техзаказчы бер үк вакытта уннан артык бәйсез идарә системасы белән хезмәттәшлек итә. Бу төрле юнәлештәге мәнфәгатьләре булган карарлар кабул итүче һәм карарларга йогынты ясаучы йөзләгән зат. Һәм бу системаларның һәрберсендә ул проблемалы мәсьәләләр ачыклый, коммуникацияләр төзи, җаваплыларны урнаштыра һәм төрле юнәлешле векторларны максатка бердәм курска әверелдерә. Нәтиҗәдә ул төзегән карарлар кабул итү механизмы хаосны идарә ителә торган процесска трансформалаштыра. Инвестиция-төзелеш проектын вакытында, бюджетта һәм бирелгән сыйфатта гамәлгә ашыру шулай тәэмин ителә».
Төзелеш һәм архитектура буенча Татарстан Республикасы Дәүләт экспертизасы һәм бәяләр ясау идарәсе директоры урынбасары Гузель Нугуманова:
«Заказчыларга проект башланыр алдыннан ук консультация ярдәме күрсәтергә кирәк: техник киңәшләр дә, методик һәм шәхси ярдәм дә. Мондый хезмәттәшлек экспертизаны уңышлы узу мөмкинлекләрен сизелерлек арттыра, иң яхшы икътисадый нәтиҗәне тәэмин итә».
Шулай ук Дәүләт экспертизасы оешмаларының XI Бөтенроссия киңәшмәсе кысаларында Россия экспертизалары ассоциациясе әгъзаларының чираттан тыш гомуми җыелышы узды.