Сорау-җавап: ТР Дәүләт экспертизасыннан кайнар линия буенча шалтырату мөмкинлеге булмаганда кире элемтә алу.
Атна саен дүшәмбедән җомга көнгә кадәр Татарстан Республикасы Дәүләт экспертизасы белгечләре мөрәҗәгать итүчеләрнең сорауларына җавап бирә. Татарстан Республикасы Дәүләт экспертизасы компетенциясенә керә торган мәсьәләләр буенча үзара хезмәттәшлекнең мөмкин булган форматлары турында эксперт эшчәнлеген оештыру идарәсенең документларны кабул итү бүлеге башлыгы Гөлшат Хәмидуллина аңлата.
Сорау: Татарстан Республикасы Дәүләт экспертизасына кайнар линиягә шалтыратканда операторның җавабын озак көтәргә туры килә яки озак вакыт трубканы алмыйлар, ә минем яңадан шалтырату мөмкинлеге юк. Эш телефоннарына шалтырату мөмкинлеге булмаганда, ТР Дәүләт экспертизасыннан кире элемтәне ничек алырга, ТР Дәүләт экспертизасында багланышларның нинди форматлары тормышка ашырылган?
Җавап: Мөрәҗәгать итүчеләр белән конструктив диалогны гамәлгә ашыру, Татарстан Республикасы Дәүләт экспертизасы белән хезмәттәшлекнең барлык этапларында консультация ярдәме күрсәтү Учреждение эшендә мөһим юнәлешләрнең берсе булып тора.
Практика күрсәткәнчә, мөрәҗәгать итүчеләрнең күбесе детальләрне төгәлләштерү яки документлар буенча консультация алу өчен телефон шалтыратуы юлы белән мөрәҗәгать итүне өстен күрә, әмма бүгенге көндә бу хезмәттәшлекнең бердәнбер форматы түгел. Төгәлрәк карыйбыз:
- Дистанцион формат
- мөрәҗәгать итүче сорауны «Бердәм цифрлы экспертиза платформасы» ЮХИДИ шәхси кабинеты аша бирә ала.
- мөрәҗәгатьне электрон почтага җибәреп: help.uslugi@tatar.ru, кире элемтә өчен элемтәләр күрсәтеп.
- ТР Дәүләт экспертизасының рәсми сайтының төп битендә «Консультация алырга» формасын тутырып.
Шәхси формат
- +7 (843) 207-06-04 телефоны буенча дүшәмбедән җомгага кадәр 8 сәг. 00 мин. 17 сәг. 00 мин. шалтратырга мөмкин.
- катлаулы мәсьәләләрне аңлату һәм тикшерү өчен заказчылар һәм проектлаучылар белән техник советлар уздыру. Техник советка +7 (843) 207-06-04 телефоны буенча язылырга мөмкин.
Татарстан Республикасы Дәүләт экспертизасы гамәлгә ашырылган форма кысаларында мөрәҗәгать итүчеләр белән конструктив диалог өчен һәрвакыт ачык.