Стандарт торакка карата критерийлар һәм эчке бизәкләүгә карата таләпләр расланды

2020 елның 23 июне, сишәмбе

2020 елның 6 июненнән 2020 елның 29 апрелендә чыккан 237/пр номерлы РФ төзелеш һәм торак-коммуналь хуҗалык министрлыгының боерыгы гамәлгә керде, ул торак биналарны стандарт торакка кертү шартларын һәм стандарт типтагы торакны эчке бизәкләүгә карата таләпләрне раслады.

Документ нигезендә, «эконом класслы торак» термины «стандарт торак» кушымтасы белән алмаштырылган, аның категориясенә түбәндәге әйберләр керә:

• 1500 кв. метрдан артык булмаган җир кишәрлегендә 150 кв. метрга кадәр мәйданлы шәхси торак йортлар;
• блоклы төзелешле торак йорт составындагы 130 кв. м мәйданга кадәр блоклар;
• гомуми мәйданы 100 кв. метрдан артмаган фатирлар.

Фатир инвалидларның тоткарлыксыз үтеп керә алуы тәэмин ителгән күп фатирлы йортта, шулай ук B һәм аннан да югарырак энергетика нәтиҗәлелеге классы бирелгән йортта урнашырга мөмкин.

Торак бинаны эчке бизәкләү түбәндәге таләпләргә туры килергә тиеш:

• тимер керү ишеге һәм бүлмәара ишекләр урнаштырылган;
• тәрәзә асты тактасы белән тәрәзә блоклары урнаштырылган;
• диварларның яки бүлгечләрнең өслекләре тигезләнгән һәм буялган яки обойлар белән ябыштырылган, түшәмнәр өслеге – тигезләнгән һәм буялган яки аңа түшәм конструкцияләре яисә натяжной системалар урнаштырылган булырга тиеш;
• идән тигезләнгән һәм анда напольный катлам булырга тиеш;
• санузелларда гидроизоляцияне, сантехниканы, смесительләрне, яктырту приборларын, вентиляция рәшәткәләрен, ревизия люкларын тәэмин итәргә кирәк, идәндә тигезләү, гидроизоляция, керамик каплам булырга тиеш;
• кухняда мойка белән тумба, плитә һәм вентиляцион решетка булырга тиеш.