Татарстан Республикасы үрнәк проектлар реестрын тулыландырды

2026 елның 9 апреле, пәнҗешәмбе

Татарстан Республикасы үрнәк карарлар куллану практикасын актив үстерә, бу регионда социаль программаларны нәтиҗәле гамәлгә ашырырга һәм хәтта зур булмаган торак пунктларда да заманча инфраструктура булдырырга мөмкинлек бирә. 2026 елның мартында Татарстан Республикасының үрнәк проект документациясе исемлеге яңа объектлар белән тулыланды.

Үрнәк проект документациясе – бу экспертизаның уңай бәяләмәсен алган һәм шундый ук объектларны төзегәндә күп тапкырлар файдалануны рөхсәт итә торган документлар.

Аны куллануның максаты – төзелешне оптимальләштерү, социаль инфраструктураның сыйфатын яхшырту һәм бюджет акчаларын рациональ тоту буенча дәүләт стратегиясенең бер өлеше.

Мондый карарлардан файдалану:

• проектлау вакыты 40 %ка кадәр кыскара;
• документлар эшләүгә чыгымнарны киметү;
• объектлар төзү процессын тизләтү;
• практикада тикшерелгән техник карарларның ышанычлылыгын гарантияләү;
• социаль объектларның бердәм сыйфат стандартын тәэмин итәргә.

Үрнәк проект документациясе статусын түбәндәге объектлар алды:

1. Казан ш. «11нче балалар шәһәр поликлиникасы» ДАССУ балалар поликлиникасы;
2. Казан ш. «20 нче шәһәр поликлиникасы» ДАССУ поликлиникасы, «Весна» ТК, Умырзая ур.
3. Саба муниципаль районының Байлар Сабасында балалар иҗаты йорты бинасын төзү (җиһазлар һәм инвентарь алып)
4. Зеленодольск муниципаль районында картлар һәм инвалидлар өчен йорт-интернат төзү (мебель, җиһазлар һәм инвентарь сатып алып)
5. Зеленодольск районының Новопольский авыл җирлегендә җирлек башкарма комитеты (совет) бинасын төзү (Новопольский бистәсе, Ирек ур.)
6. Васильево бистәсендә Ленин урамындагы яшьләр үзәге бинасын төзү
7. Тукай районының Кече Шилнә авылында «Кече Шилнә урта гомуми белем бирү мәктәбе» МБМУ өстәмә белем бирү корпусын төзү
8. Әгерҗе муниципаль районы территориясендә өстәл теннисы буенча физкультура һәм спорт чараларын үткәрү өчен спорт залы төзү
9. Чирмешән районының Түбән Кәминкә авылында (Үзәк ур.) халыкка комплекслы хезмәт күрсәтү пунктын төзү һәм җиһазлау

Татарстан Республикасы объектлары Бәяләмәләрнең бердәм дәүләт реестрына кертелгән һәм аларны «Проектлар витринасы» онлайн-сервисында файдаланырга мөмкин.

Россия Төзелеш Министрлыгының «Проект документациясен үрнәк проект документациясе дип тану турында» 2026 елның 27 мартындагы 190/пр номерлы боерыгы