«Haier» Индустриаль паркы территориясендә әзер продукция склады төзелеше проектына экспертиза нәтиҗәләре
«ТР төзелеш һәм архитектура буенча дәүләт экспертизасы һәм бәя кую идарәсе» ДАУ 2015 елдан башлап дәүләтнеке булмаган экспертиза формасында төзелеш объектларына һәм инженерлык эзләнүләр нәтиҗәләренә экспертиза үткәрә (төзелеше РФ Шәһәр төзелеше кодексының 8.3 маддәсендәге 2 өлешендә күрсәтелгән чараларны җәлеп итмичә үткәрелә торган объектлар өчен). Экспертизаны «ТР төзелеш һәм архитектура буенча дәүләт экспертизасы һәм бәя кую идарәсе» ДАУ профессионалларына ышаныгыз, аларның объектларга экспертиза үткәрү тәҗрибәсе 30 елдан артык һәм ел саен 5 меңнән артык бәяләмәне тәшил итә. Безнең һөнәри тәҗрибәбез – проектлаштыру стадиясендә сезнең объектларның иминлек һәм ышанычлылык нигезе.
Гомуми мәйданы 60 мең кв. метрдан артык булган яңа объект Яр Чаллы шәһәрендә урнашачак. Объект «Haier» Индустриаль паркы территориясендә урнашачак барлык перспективалы заводларның продукциясен туплау мөмкинлеген исәпкә алып проектланган.
Участокта киләсе биналар һәм корылмалар проектланган: таможня контроле зонасы белән аның янәшәсендәге административ-көнкүреш һәм ярдәмче корпуслары булган әзер продукция склады, КПП, җиңел һәм йөк транспорты өчен стоянкалар, транспортны бушату мәйданчыклары, хуҗалык мәйданчыклары, ял итү урыннары. Склад корпусы бинасында әзер продукция склады һәм таможня контроле зонасы бүлеп бирелгән.
Территорияне төзекләндерү үз эченә асфальт-бетон юллар һәм вак күләмле бетон плитәдән тротуарлар урнаштыруны, яшелләндерүне, тышкы яктыртуны, территория киртәләүне ала. Территорияләрдә биналардан, юллардан, мәйданчыклардан буш булган күпьеллык үләннәрне чәчү юлы белән яшел зоналарны булдыру каралган.