«ТР төзелеш һәм архитектура буенча дәүләт экспертизасы һәм бәя кую идарәсе» ДАУдә дәүләти булмаган экспертиза буенча хезмәтне алганда гамәлләр тәртибе

2020 елның 5 июне, җомга

«ТР төзелеш һәм архитектура буенча дәүләт экспертизасы һәм бәя кую идарәсе» ДАУ 2015 елдан башлап дәүләтнеке булмаган экспертиза формасында төзелеш объектларына һәм инженерлык эзләнүләр нәтиҗәләренә экспертиза үткәрә (төзелеше РФ Шәһәр төзелеше кодексының 8.3 маддәсендәге 2 өлешендә күрсәтелгән чараларны җәлеп итмичә башкарыла торган объектлар өчен).

Экспертиза объектның ышанычлылыгын һәм иминлеген гарантияли торган төзелеш кагыйдәләренә һәм нормаларына карата таләпләрнең үтәлү-үтәлмәвен билгеләргә мөмкинлек бирә.

Проект документларына экспертиза буенча хезмәт алу бик гади:

• документлар онлайн рәвештә gosekspertiza-rt.ru сайтының шәхси кабинеты аша йөкләнә;
• персональ менеджер экспертиза үткәрү барышы турында оператив мәгълүмат бирәчәк;
• «ТР төзелеш һәм архитектура буенча дәүләт экспертизасы һәм бәя кую идарәсе» ДАУ белгечләре белән элемтә + 7 (843) 207-06-04 кайнар линия телефоны, help.uslugi@tatar.ru электрон почтасы яки веб-элемтә аша үтә.

Хезмәтне алганда гамәлләр тәртибе үз эченә берничә бер-бер артлы адымны ала:

• Дәүләтнеке булмаган экспертиза үткәрүгә гариза бирергә, аңа техник документлардан һәм объектны проектлаштыруга биремнең күчермәсеннән торган документлар пакеты теркәлә.
• Отышлы шартларда килешү төзергә.
• Кыска вакыт эчендә бәяләмә алырга.

Экспертиза нәтиҗәләре:

• Экспертизага тәкъдим ителгән проектның барлык иминлек һәм ышанычлылык таләпләренә туры килүе турындагы уңай бәяләмә. Уңай экспертиза бәяләмәсе булуы – төзелеш яки реконструкцияләүгә карата рөхсәт алу өчен мәҗбүри.

Экспертизаны «ТР төзелеш һәм архитектура буенча дәүләт экспертизасы һәм бәя кую идарәсе» ДАУ профессионалларына ышаныгыз, аларның объектларга экспертиза үткәрү тәҗрибәсе 30 елдан артык һәм ел саен 5 меңнән артык бәяләмә саннарын тәшкил итә. Безнең һөнәри тәҗрибәбез – проектлаштыру стадиясендә сезнең объектларның иминлек һәм ышанычлылык нигезе.