Кабат куллану проектлары реестрына 69 яңа капиталь төзелеш объекты кертелде

2020 елның 14 апреле, сишәмбе

2020 елның мартында кабат кулланыштагы проект документларының икътисади яктан нәтиҗәле реестрына 69 яңа капиталь төзелеш объекты кертелде. Хәзерге вакытта реестрда барлыгы 1423 проект бар.

Бу – 553 балалар бакчасы, 374 мәктәп, 145 торак йорт, 133 спорт бинасы һәм корылмалары, 111 сәламәтлек саклау объекты, 36 мәдәният объекты, 19 коммуналь хезмәт күрсәтү объекты, 16 социаль, 13 линия объекты, 14 административ бина, 8 тулай торак һәм яшелчә базасы.

Проект документларын кабат куллану өчен икътисади яктан нәтиҗәле итеп тану өчен ул расланган критерийларга туры килергә тиеш:

  • Капиталь төзелеш объектының төзелеш смета бәясе Россиянең төзелеш министрлыгы тарафыннан расланган төзелеш бәясенең эреләндерелгән нормативларын (ТБН) кулланып билгеләнгән фаразланган (чик) төзелеш бәясеннән артмаска тиеш.
  • ТБН булмаган очракта – объект төзү планлаштырыла торган территориянең билгеләнеше, проект егәрлеге, табигый һәм башка шартлары буенча охшаш объектларның смета бәясеннән.
  • Объект «C»классыннан да ким булмаган энергетик нәтиҗәлелек классына ия булырга тиеш.

Мәгълүмат чыганагы: РФ төзелеш министрлыгы

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International