Россиянең төзелеш министрлыгы смета нормаларына үзгәрешләр кертте

2020 елның 7 апреле, сишәмбе

2020 елның 30 мартында Россия Федерациясе төзелеш һәм торак-коммуналь хуҗалык министрлыгы тарафыннан түбәндәге смета нормаларына үзгәрешләр кертелде:

төзелеш эшләренә карата (2019 елның 26 декабрендә чыккан 871/пр номерлы Россиянең төзелеш министрлыгы боерыгы белән расланган);
җиһазларны монтажлау эшләренә карата (2019 елның 26 декабрендә чыккан 872/пр номерлы Россиянең төзелеш министрлыгы боерыгы белән расланган);
ремонт-төзелеш эшләренә карата (2019 елның 26 декабрендә чыккан 865/пр номерлы Россиянең төзелеш министрлыгы боерыгы белән расланган);
төзелеш һәм махсус төзелеш эшләренә; төзелештә кулланыла торган материаллар, эшләнмәләр, конструкцияләр һәм җиһазлар бәяләренә; төзелеш машиналарын һәм автотранспорт чараларын эксплуатацияләү бәяләренә карата (2019 елның 26 декабрендә чыккан 876/пр номерлы Россиянең төзелеш министрлыгы боерыгы белән расланган).

Үзгәрешләр гамәлгә алар расланганнан соң өч ай узгач керә.