Инженерлык эзләнүләр нәтиҗәләренә экспертиза үткәргәннән соң проект документларына дәүләтнеке булмаган экспертиза

«ТР төзелеш һәм архитектура буенча дәүләт экспертизасы һәм бәя кую идарәсе» ДАУ 2012 елның 31 мартында чыккан 272 номерлы РФ Хөкүмәтенең Карары һәм RA.RU.611957 номерлы проект документларына дәүләтнеке булмаган экспертиза һәм (яки) инженерлык эзләнүләр нәтиҗәләренә дәүләтнеке булмаган экспертиза үткәрү хокукына аккредитация турында Таныклык, 0002091 номерлы аккредитацияләү буенча Федераль хезмәт бланкының исәп номеры (Росаккредитация) белән расланган проект документларына һәм (яки) инженерлык эзләнүләр нәтиҗәләренә дәүләтнеке булмаган экспертиза оештыру һәм үткәрү турындагы Нигезләмә нигзендә дәүләтнеке булмаган экспертиза формасында экспертиза үткәрә.

ДӘҮЛӘТНЕКЕ БУЛМАГАН ЭКСПЕРТИЗА:

• Россия Федерациясе Шәһәр төзелеше кодексының 8.3 маддәсендәге 2 өлешендә күрсәтелгән акчаларны җәлеп итмичә башкарыла
• «ТР төзелеш һәм архитектура буенча дәүләт экспертизасы һәм бәя кую идарәсе» ДАУ сайтының шәхси кабинетын кулланып, бары тик электрон формада гына үткәрелә (проект документлары һәм (яки) инженерлык эзләнүләр нәтиҗәләре үз эченә Россия Федерациясе законнары нигезендә чикләнгән белешмәләрне алган очраклардан тыш)
• объект турында белешмәләр капиталь төзелеш объектларының проект документларына экспертиза үткәрү бәяләмәләренең бердәм дәүләт реестрына кертелә

«ТР төзелеш һәм архитектура буенча дәүләт экспертизасы һәм бәя кую идарәсе» ДАУ дәүләтнеке булмаган экспертиза үткәрүнең өстенлекләре:

• Россия Федерациясенең теләсә кайсы төбәге белән оператив эш
• дәүләт учреждениесе бәяләмәсе
• хезмәтләр күрсәтелү вакытларының кыскартылуы һәм үтәлеше
• һәр клиентка индивидуаль рәвештә якын килү
• гибкий түләү шартлары
• проект документларын кирәкле электрон форматка күчерүдә һәм проект документларын йөкләп җибәрүдә ярдәм
• көчәйтелгән квалификацияле электрон култамганы алу буенча консультация
• проект документларына экспертиза үктәргән вакытта ачыкланган җитешсезлекләрне бетерү буенча консультацияләр

Сезнең шәхси кураторыгыз булачак! Персональ куратор Сезнең проектны экспертиза үткәрү вакыты дәвамында озатып барачак, экспертиза барышы турында хәбәр итәчәк һәм барлык килеп туган сораулар буенча ярдәм итәчәк. «ТР төзелеш һәм архитектура буенча дәүләт экспертизасы һәм бәя кую идарәсе» ДАУнең күрсәтелә торган хезмәтләренең сыйфат гарантиясе булып экспертларның кирәкле квалификациясе һәм әлеге өлкәдә 25 елдан артык эш тәҗрибәсе булу тора.

«ТР төзелеш һәм архитектура буенча дәүләт экспертизасы һәм бәя кую идарәсе» ДАУ «Проект документларына һәм инженерлык эзләнүләр нәтиҗәләренә экспертиза» хезмәте «Җитештерү-техник билгеләнештәге хезмәтләр» номинациясендә «Татарстан Республикасының иң яхшы товарлары һәм хезмәтләре» конкурсы лауреаты дипломы белән бүләкләнде.

Хезмәт күрсәтелүне алу өчен берничә гади адым:

АДЫМ 1: КӨЧӘЙТЕЛГӘН КВАЛИФИКАЦИЯЛЕ ЭЛЕКТРОН КУЛТАМГАНЫ АЛУ

Нинди электрон култамгалар була?

Электрон култамга — ул электрон-санлы формадагы мәгълүмат, аның ярдәмендә физик яки юридик затны аның шәхси катнашыннан башка идентификацияләү мөмкин.

Электрон документ әйләнешендә электрон култамганың ике төре кулланыла:

• гади электрон култамга;
• көчәйтелгән электрон култамга (квалификацияле һәм квалификациясез булырга мөмкин).

Алар яклау дәрәҗәсе һәм куллану өлкәсе белән аерыла.

«ТР төзелеш һәм архитектура буенча дәүләт экспертизасы һәм бәя кую идарәсе» ДАУ документларны бирү өчен нинди култамга кирәк?

«ТР төзелеш һәм архитектура буенча дәүләт экспертизасы һәм бәя кую идарәсе» ДАУ документларны бирү өчен көчәйтелгән квалификацияле электрон култамга кулланыла.

Көчәйтелгән квалификацияле электрон култамга — ул үз кулыңдагы култамганың аналогы.

Мондый култамганы РФ Цифрлы үсеш, элемтә һәм массакүләм коммуникацияләр министрлыгында аккредитациясе булган таныклаучы үзәк кенә бирә ала. Бу очракта чынлык гаранты булып электрон култамганы тикшерү ачкычының квалификацияле сертификаты тора. Сертификат USB-носительдә бирелә. Аны куллану өчен кайбер очракларда өстәмә программалы тәэминатны урнаштыру кирәк булырга мөмкин.

Көчәйтелгән квалификацияле электрон култамганы ничек алырга?

Көчәйтелгән квалификацияле электрон култамга алу өчен сезгә кирәк булачак:

• шәхесне раслаучы документ;
• мәҗбүри пенсия иминиятенең иминият таныклыгы (СНИЛС);
• салым түләүченең шәхси номеры (ИНН);
• шәхси эшмәкәр буларак физик затны дәүләт теркәвенә алу турындагы язманың төп дәүләт теркәү номеры (әгәр дә сез индивидуаль эшмәкәр булсагыз);
• үз вәкаләтләрен юридик зат исеменнән гамәлгә ашыруны раслаучы өстәмә документлар комплекты (әгәр сез юридик зат вәкиле култамгасын алсагыз).

Документларны аккредитацияләнгән таныклаучы үзәккә тапшырырга кирәк (аларны сез исемлектә яки картада таба аласыз). Үзәк хезмәткәре, сезнең шәхесне билгеләгәч һәм документларны тикшергәннән соң, сертификат һәм электрон култамга ачкычларын сертификацияләнгән электрон носитель — электрон картага яки флеш-накопительга язачак. Шунда ук мәгълүматның криптозащита чараларын сатып алырга мөмкин.

Сертификат һәм электрон култамга ачкычларын бирү хезмәте бәясе аккредитацияләнгән таныклаучы үзәк регламенты белән билгеләнә һәм, аерым алганда, электрон култамганы куллану өлкәсенә бәйле.

Электрон култамганың яраклылык вакыты бармы?

Электрон култамганы тикшерү ачкычы сертификатының (квалификацияле дә, квалификациясез дә) гамәлдә булу вакыты сертификат алган мәгълүматны кулланыла торган криптографик яклау чарасына һәм таныклаучы үзәккә бәйле.

Кагыйдә буларак, гамәлдә булу вакыты бер ел тәшкил итә.

Култамгаланган документлар электрон култамганы тикшерү ачкычы сертификатының гамәлдә булу вакыты тәмамланганнан соң да гамәлдә дип санала.

АДЫМ 2: ФОРМАЛАР БУЕНЧА ДОКУМЕНТЛАР ӘЗЕРЛӘРГӘ. ДОКУМЕНТЛАР ШАБЛОННАРЫ

«Капиталь төзелеш объектларының төзелеше, тергезүе, капиталь ремонты буенча проект документларына һәм (яки) инженерлык эзләнүләр нәтиҗәләренә дәүләт экспертизасын һәм смета бәясенең дөрес итеп билгеләнүенә тикшерү үткәрү өчен бирелә торган электрон документлар форматына карата таләпләр раслануы турында» 2017 елның 12 маенда чыккан 783/пр номерлы Россия Федерациясенең төзелеш һәм торак-коммуналь хуҗалык министрлыгының боерыгы белән проект документларына һәм (яки) инженерлык эзләнүләр нәтиҗәләренә дәүләт экспертизасын үткәрү өчен бирелә торган электрон документлар форматына карата бердәм таләпләр билгеләнгән.

Мөрәҗәгать итүчеләр өчен гомуми мәгълүмати белешмә

• Мөрәҗәгать итүчеләр өчен гомуми мәгълүмати белешмә

Исемлек

• «Бер үк вакытта проект документларына һәм инженерлык эзләнүләр нәтиҗәләренә» экспертиза үткәрү өчен документлар исемлеге

Ышанычнамәләр

• Төзүче, техник заказ бирүче исеменнән эш итәргә мөрәҗәгать итүченең вәкаләтләрен раслаучы ышанычнамә
• Элемтә затына карата ышанычнамә

Документлар

• Экспертиза үткәрү турында гариза
• Финанслау чыганагы бюджеттан тыш акчалар хисабыннан булган хат үрнәге
• Кабат кулланылыштагы икътисадый яктан нәтиҗәле проект документларыннан файдалану (файдаланмау сәбәпләре) турында белешмәләр
• Смета исәп-хисапларында исәпкә алынган эшләр күләмнәре исемлеге
• Тарихи-мәдәни экспертизасының уңай бәяләмәсе
• Экологик экспертизасының уңай бәяләмәсе
• Заказ бирүченең бланкындагы җаваплары яисә заказ бирүченең проект оешмасының җавапларына озату хаты
• Мәгълүмати-таныклаучы кәгазь

АДЫМ 3: ДОКУМЕНТЛАРНЫ ТАПШЫРУ

Гариза мөрәҗәгать итүче тарафыннан электрон формада Шәхси кабинет аша тутырыла һәм тапшырыла.

Гариза бирү өчен мөрәҗәгать итүче Шәхси кабинет аша түбәндәге гамәлләрне башкара:

• авторизацияне башкара;
• электрон гариза формасын булдыра;
• үз эченә хезмәт күрсәтелү өчен кирәкле һәм мәҗбүри булган белешмәләрне алган электрон гариза формасын тутыра;
• документлар исемлегендә күрсәтелгән хезмәт күрсәтелү өчен кирәкле булган документларны йөкли;
• тутырылган электрон гаризаны карап тикшерү өчен бирә;
• дәүләт экспертизасы бәяләмәсен бирү мөрәҗәгать итүченең Шәхси кабинетында башкарыла.

Электрон документлар көчәйтелгән квалификацияле электрон култамганы кулланып, аларга кул кую вәкаләтләре булган затлар тарафыннан имзаланырга тиеш.

Экспертизага тапшыру өчен документларны әзерләү тәртибе буенча Тәкъдимнәр белән биредә танышырга мөмкин.

Шәхси кабинет белән эшләү буенча Аңлатма белән биредә танышырга мөмкин.

Персональ куратор Сезнең проектны экспертиза үткәрү вакыты дәвамында озатып барачак, экспертиза барышы турында хәбәр итәчәк һәм барлык килеп туган сораулар буенча ярдәм итәчәк.

Әгәр бу экспертиза үткәргәндә кирәк булса, кәгазь документларны курьер белән китерү Россия Федерациясенең теләсә кайсы төбәгеннән «ТР төзелеш һәм архитектура буенча дәүләт экспертизасы һәм бәя кую идарәсе» ДАУ хисабына башкарыла.

Шәхси кабинет

АДЫМ 4: ШАРТНАМӘ ТӨЗҮ ҺӘМ ХЕЗМӘТ ӨЧЕН ТҮЛӘҮ

Хезмәт күрсәтелүне башлау датасы ничек билгеләнә (документларны карый башлау датасы)?

3 эш көне – исемлектә күрсәтелгән документларны алган көннән алып, «ТР төзелеш һәм архитектура буенча дәүләт экспертизасы һәм бәя кую идарәсе» ДАУ комплектлылыкны тикшерүне гамәлгә ашыра һәм хезмәт күрсәтелүгә карата шартнамә җибәрә.

Шартнамә буенча түләү керткәннән соң – экспертиза үткәрү башлана.

Документлар туры килмәгән очракта, «ТР төзелеш һәм архитектура буенча дәүләт экспертизасы һәм бәя кую идарәсе» ДАУ белгечләре кирәкле документлар составы буенча түләүсез консультация ярдәме күрсәтәләр. Документларны әзерлек буенча бирү мөмкин.

Экспертизаны үткәрү бәясе шартнамә нигезендә индивидуаль рәвештә билгеләнә.

АДЫМ 5: НӘТИҖӘНЕ АЛУ

Экспертизаны үткәрү нәтиҗәсен мөрәҗәгать итүченең Шәхси кабинетында электрон рәвештә алырга мөмкин.

Экспертизаның нәтиҗәсе булып бәяләмә тора.

Инженерлык эзләнүләр нәтиҗәләренә экспертиза нәтиҗәсе булып инженерлык эзләнүләр нәтиҗәләренең техник регламентлар таләпләренә туры килүе (уңай бәяләмә) яки туры килмәве (тискәре бәяләмә) турында бәяләмә тора.

Проект документларына экспертизаның нәтиҗәсе булып проект документларының техник регламентларның таләпләренә, санитар-эпидемиологик таләпләргә, әйләнә-тирә мохитне саклау өлкәсендәге таләпләргә, мәдәни мирас объектларын дәүләт саклавы таләпләренә, атом энергиясен куркынычсыз куллануга карата таләпләргә, сәнәгать куркынычсызлыгы таләпләренә, электр энергетикасы системаларының һәм электр энергетикасы объектларының ышанычлылыгын һәм куркынычсызлыгын тәэмин итүгә карата таләпләргә, объектның террорчылыкка каршы якланганлыгы таләпләренә, проектлаштыруга карата төзүче яисә техник заказ бирүче биременә, проект документларына туры килү-килмәүне бәяләү гамәлгә ашырылган очракта инженерлык эзләнүләр нәтиҗәләренә туры килүе (уңай бәяләмә) яки туры килмәве (тискәре бәяләмә) турында бәяләмә тора.

Заказ бирүче соравы буенча бәяләмәне кәгазьдә биреп була. Курьер китерүе «ТР төзелеш һәм архитектура буенча дәүләт экспертизасы һәм бәя кую идарәсе» ДАУ хисабына Россия Федерациясенең теләсә кайсы төбәгенә башкарыла.

Экспертиза үткәрү вакыты шартнамә нигезендә индивидуаль рәвештә билгеләнә һәм 7дән алып 20 эш көнен тәшкил итә.

АДЫМ 6: БЕЛЕМ АЛУ

Белем алу өчен заявканы +7 (843) 253-75-49 телефоны аша яки info@proff-standart.ru электрон почтасы буенча бирергә мөмкин. Укуларны үткәрү урыны: «ТР төзелеш һәм архитектура буенча дәүләт экспертизасы һәм бәя кую идарәсе» ДАУ белем бирү үзәге («ПрофСтандарт»), Казан шәһ., Шуртыгин ур., 22 нче йорт.

Соңгы яңарту: 2022 елның 8 декабре, 09:04