РФ гражданнары өчен цифрлы грамоталылык концепциясе расланды

2026 елның 21 сентябре, дүшәмбе

Концепция цифрлы киңлектә дәүләт сәясәтенең максатларын, принципларын, бурычларын һәм механизмнарын билгели.

Игътибар үзәгендә – цифрлы җинаятьләрдән зыян күрүчеләр санын киметү һәм цифрлы технологияләрне, шул исәптән ясалма интеллектны куркынычсыз һәм нәтиҗәле кулланырга системалы өйрәтү.

Цифрлы грамоталылык ике дәрәҗәгә бүленә:

• База дәрәҗәсе – компьютер һәм программа белән эшли белү, мәгълүматны эзләү, тәнкыйди бәяләү һәм мәгълүматны тарату.
• Югары дәрәҗә – шәхси мәгълүматларны һәм җайланмаларны яклау, челтәрдә аралашу этикеты, медиаконтентны анализлау һәм булдыру, манипуляцияләрне һәм фейкларны танып белү.

Куелган максатларга ирешү өчен Концепция чаралар комплексын һәм гамәлгә ашыру чараларын тәэмин итә:

• цифрлы киңлектә үз-үзеңне куркынычсыз тоту буенча бердәм кагыйдәләр һәм киңәшләр;
• хокукка каршы онлайн-гамәлләргә юлыккан гражданнар өчен хокукый җавап бирү тәртибе үрнәкләре;
• корпоратив белем бирү программалары хәвеф-хәтәрләр белән идарә итү системасы элементы сыйфатында (оешманың билгеләнгән таләпләргә туры килүе өчен);
• өйрәтү материалларын берләштерү өчен бердәм милли цифрлы платформа;
• мәгълүмати эшчәнлек, натив реклама, тышкы реклама, фикер лидерларын җәлеп итү;
• материалларны мөмкинлекләре чикләнгән кешеләр өчен яраклаштыру (аудиодескрипция, субтитрлар, сурдоперевод, тактиль әсбаплар);
• цифрлы грамоталылык дәрәҗәсен мониторинглау һәм чараларның нәтиҗәлелеген бәяләү.

«РФ гражданнарының цифрлы грамоталылык дәрәҗәсен арттыру Концепциясен раслау турында» Россия Федерациясе Хөкүмәтенең 2026 елның 7 сентябрендәге 2402-р номерлы күрсәтмәсе