Татарстан Республикасы өчен 2026 елның II кварталына 1 кв. м торакның базар бәясе расланды

2026 елның 2 апреле, пәнҗешәмбе

Россия Төзелеш министрлыгы 2026 елның I яртыеллыгына РФ торак урынының гомуми мәйданының 1 кв.м. бәясе нормативын һәм 2026 елның II кварталына РФ субъектлары буенча торак урынның гомуми мәйданының 1 кв. м. уртача базар бәясе күрсәткечләрен раслады.

Татарстан Республикасында 1 кв.метрның уртача базар бәясе 2026 елның II кварталына 153 313 сум тәшкил итәчәк (элек 2026 елның I кварталына 153 146 сум иде).

Квадрат метрның бәясе үсеше 2026 елның II кварталында алдагы квартал белән чагыштырганда 1,09% тәшкил иткән.

Квадрат метрның расланган бәясе ветераннар, хәрби хезмәткәрләр һәм торак шартларын яхшыртуга мохтаҗ дип танылган гражданнар кебек законда билгеләнгән категорияләр өчен дәүләт торак сертификатлары буенча субсидияләр күләмен исәпләү өчен төп күрсәткеч булып тора.

Россия Төзелеш Министрлыгының «2026 елның беренче яртыеллыгына Россия Федерациясе буенча торак урынның гомуми мәйданының бер квадрат метры бәясе нормативы һәм 2026 елның II кварталына Россия Федерациясе субъектлары буенча торак урынның гомуми мәйданының бер квадрат метрының уртача базар бәясе турында» 2026 елның 24 мартындагы 177/пр номерлы боерыгы