Россия төзелеш мәйданчыкларына инновацион материаллар кертүнең яңа кагыйдәләре үз көченә керде

2026 елның 1 апреле, чәршәмбе

2026 елның 27 мартыннан яңа төзелеш материалларын, эшләнмәләрен һәм технологияләрен куллануның куркынычсызлыгын һәм нәтиҗәлелеген раслау механизмы үз көченә керде.

Техник бәяләү буенча баш орган функцияләре «Төзелештә туры килүне нормалаштыру, стандартлаштыру һәм техник бәяләү федераль үзәге» Федераль автоном учреждениесенә йөкләнгән (ФАУ «ФЦС»).

Төзелештә яңа материаллар, эшләнмәләр, конструкцияләр һәм технологияләр кулланылган очракта, әгәр аларны төзелештә куллану гамәлдәге төзелеш нормалары һәм кагыйдәләре, милли стандартлар һәм башка норматив документлар белән регламентланмаган булса, – Россия Федерациясе Төзелеш һәм торак-коммуналь хуҗалыгы министрлыгына караган ФАУ «ФЦС»ның техник таныклыгы белән раслана.

Россия Федерациясе Төзелеш һәм торак-коммуналь хуҗалык министрлыгының 2026 елның 5 февралендәге 62/пр номерлы боерыгы