Татарстан Дәүләт экспертизасы «Безнең ишегалды» программасын оператив тәэмин итә
ТР Дәүләт экспертизасы проект документациясенә вакытында экспертиза үткәрүне тәэмин итә, бу төзелеш бригадаларының объектларга чыгуы өчен мөһим этап булып тора.
«Безнең ишегалды» программасы Татарстан Республикасы территориясендә 2020 елдан гамәлгә ашырыла. Аның төп максаты - халыкның теләкләрен мәҗбүри исәпкә алып, бөтен регион буенча уңайлы, функциональ һәм имин ишегалды киңлекләрен комплекслы төзекләндерү һәм булдыру. Экспертлар җаваплылыгы зонасына түбәндәге эш төрләре эләгә:
- юлларны һәм тротуарларны капиталь ремонтлау;
- тышкы яктыртуның терәкләрен яңарту яки яңаларын урнаштыру;
- балалар һәм спорт җиһазларын монтажлау буенча төзелеш-монтаж эшләре;
- эскәмияләр, урналар урнаштыру һәм каты коммуналь калдыкларны (ТКО) җыю өчен контейнер мәйданчыклары урнаштыру.
Куелган бурычларны билгеләнгән срокларда үтәү өчен ТР Дәүләт экспертизасы дәүләт заказчысы – ГКУ «Главтатдортранс РТ» белән берлектә проект документациясен тапшыруны оештыру буенча планлы эш алып бара. Оешмаларның үзара тыгыз хезмәттәшлеге экспертиза узу графикларын һәм төзелеш-монтаж эшләре планнарын синхронлаштырырга мөмкинлек бирә.
Хәзерге вакытта Алабуга муниципаль районындагы 13 ишегалды территориясе һәм Чаллы шәһәрендәге 68 ишегалды буенча документлар эшләнә.