2030 елга ТИМ белән бәяләмәләр өлеше 95 %ка кадәр артачак

2026 елның 16 марты, дүшәмбе

РФ Хөкүмәте тарафыннан 2030 елга кадәр Россия Федерациясе Төзелеш һәм торак-коммуналь хуҗалыгы тармакларын цифрлы трансформацияләү өлкәсендә стратегик юнәлеш расланды.

Төзелеш һәм торак-коммуналь хуҗалык тармакларында хезмәт җитештерүчәнлеген арттыру, инвестиция-төзелеш циклы дәвамлылыгын кыскарту, тармак платформалары аша административ процедураларны цифрлаштыру – 2030 елга кадәр төзелешне һәм торак-коммуналь хуҗалыкны цифрлы трансформацияләү стратегиясенең төп максатлары.

Цифрлы трансформация стратегиясенә «Капиталь төзелеш объектының тормыш циклының барлык этапларында мәгълүмати модельләштерү технологиясен куллануны үстерү» проектын гамәлгә ашыру керә. Проект нигезендә, өч үлчәмле мәгълүмати модель формасында әзерләнгән төзелеш документациясенә дәүләт экспертизасының уңай бәяләмәләре өлеше 2030 елга 95 %ка кадәр үсәчәк.

ТР Дәүләт экспертизасы мәгълүматлары буенча 2025 елда мәгълүмати модельләштерү технологияләрен кулланып төзелгән 218 проект экспертиза узган – бу 2024 елга караганда ике тапкырга диярлек (44,5%) күбрәк.