Тәҗрибә уртаклашу: Татарстан һәм Беларусь дәүләт экспертизалары Казанда эшлекле очрашулар уздырды
Беларусь экспертларының Татарстан башкаласына визиты инде күркәм традициягә әверелде һәм ике илнең профильле ведомстволары арасында эшлекле мөнәсәбәтләрне үстерүгә һәм практика алмашуга юнәлдерелде.
Экспертлар түбәндәге мәсьәләләр буенча фикер алыштылар:
- Татарстан Республикасында һәм Беларусь Республикасында төзелеш объектларына экспертиза үткәрү
- Смета документациясенә экспертиза үткәрү
- 2009 елның 30 декабрендәге № 384-ФЗ техник регламентның дәлилләү базасына кертелгән документларны мәҗбүри һәм ирекле куллану үзенчәлекләре
- ТР төзелеш комплексын цифрлаштыру
- «ТИМ-экспертиза» системасының мөмкинлекләрен күрсәтү
- Материалларга һәм җайланмаларга конъюнктур анализ үткәрү
ТР Дәүләт экспертизасы директоры Рафар Шакиров:
«Бүген без эксперт эшчәнлеген үстерүнең төп юнәлешләренә багышланган мөһим очрашу уздырдык. Профессионалларны берләштерүче мондый чаралар ике як өчен дә тармакны үстерергә ярдәм итә. Ышанам, иң яхшы практикалар белән алмашу – яңа чишелешләр эзләүнең нәтиҗәле корал, бу эксперт процедураларының сыйфатын яхшыртырга, аларны үткәрү вакытларын кыскартырга һәм ахыр чиктә икътисадка һәм безнең илләр гражданнарына сизелерлек файда китерергә мөмкинлек бирәчәк.
Эксперт эшчәнлегенә цифрлы чишелешләрне кертү Татарстан Республикасы Дәүләт экспертизасының мөһим бурычы булып тора. Бездә мәгълүмати модельләштерү технологияләрен кулланып проектларга экспертиза үткәрүнең зур тәҗрибәсе бар. Бу төзелеш процессында катнашучыларның үзара хезмәттәшлегенең нәтиҗәлелеген сизелерлек арттыра, процедураларны үтә күренмәлерәк һәм оперативрак итә.
Хезмәттәшләремә нәтиҗәле эш һәм конструктив диалог өчен рәхмәт белдерәм. Уртак тырышлыклар безгә эксперт эшчәнлеген сыйфат һәм нәтиҗәлелекнең яңа дәрәҗәсенә чыгарырга мөмкинлек бирер дип ышанам».
Визитның кызыклы программасы кысаларында Белоруссия белгечләре ТР Дәүләт экспертизасы бинасында һәм экспертларның эш урыннарында булдылар, Казанда гамәлгә ашырылган алдынгы архитектура-төзелеш чишелешләре белән таныштылар. Шулай ук Заманча концепцияләр һәм тотрыклы үсеш нигезендә проектланган һәм төзелгән объектларга – «киләчәк шәһәре» Иннополис һәм Бәшир Рәмиев исемендәге ИТ-паркка бару планлаштырылган.
Яклар хезмәттәшлекне дәвам итү турында килештеләр, экспертиза, цифрлаштыру һәм төзелеш бәясен контрольдә тоту методикалары өлкәсендә тәҗрибә уртаклашуның югары практик әһәмиятен билгеләп үттеләр.