Татарстан Республикасы 2025 елда Россиянең Төзелеш тармагын цифрлаштыру рейтингын җитәкләде

2026 елның 23 гыйнвары, җомга

Татарстан Республикасы 2025 ел йомгаклары буенча Проектлар белән идарә итүнең мәгълүмати системасын (ИСУП) кертү буенча «светофор» Россия рейтингында беренче урынны алды. РФ төзелеш һәм торак-коммуналь хуҗалык министрлыгы тарафыннан формалаштырыла торган әлеге айлык рейтинг регионнарның төзелеш тармагында цифрлы үсешнең нәтиҗәлелеген бәяли.

Бу казанышта төп рольне төбәктә ИСУПның төп операторы һәм администрация органы булган ТР Дәүләт экспертизасы уйнады. Система төзелеш проектлары белән идарә итүне дәүләт һәм муниципаль заказчы дәрәҗәсендә автоматлаштыру өчен билгеләнгән бердәм болыт платформасы булып тора. Ул цифрлы форматта инвестиция-төзелеш циклының барлык этапларын — проектлаудан алып объектны файдалануга тапшыруга кадәр-контрольдә тотарга мөмкинлек бирә.

Уңыш максатчан эш нәтиҗәсе булды. Инвестиция-төзелеш циклында катнашучылар белән масштаблы эшләү нәтиҗәсендә Татарстан 91,77% күрсәткече белән беренче урынга күтәрелде.

Россия Федерациясе субъектлары тарафыннан ИСУПны алып бару нәтиҗәлелеген бәяләү