Төзелештә таләпләр реестрын кертү бер елга кичектерелде
Таләпләрнең бердәм реестрын кертү сроклары рәсми рәвештә бер елга күчерелде.
Яңа документ нигезендә, проект документациясенә экспертиза үткәрү реестры нигезләмәләрен куллану мәҗбүрилеге 2026 елның 1 мартыннан 2027 елның 1 мартына күчерелә. Шулай итеп, төзелеш процессында катнашучыларның барысында да адаптация өчен өстәмә ел барлыкка килә.
Исегезгә төшерәбез, 2023 елның 25 декабрендәге 653-ФЗ номерлы Федераль закон белән Шәһәр төзелеше кодексына таләпләр реестрын төзүне күздә тота торган үзгәрешләр кертелде. Бу бердәм дәүләт мәгълүмат ресурсы, аңа инженерлык эзләнүләре, проектлау, төзелеш өлкәсендә куллану өчен мәҗбүри булган стандартлар һәм кагыйдәләр кертелә.
Реестр булдыруның төп максаты – капиталь төзелеш объектларына карата барлык таләпләрне системалаштырырга һәм максималь үтә күренмәле итәргә, искергән нормаларны куллануны булдырмаска һәм тикшерүләр процедурасын гадиләштерергә.
Шулай итеп, 2027 елның 1 мартына кадәр проект документациясенә экспертиза гамәлдәге норматив-техник документлар нигезендә үткәрелергә мөмкин, хәтта алар Таләпләр реестрына кертелмәгән булса да.