Сорау-җавап: үтү клеммаларын урнаштыру кабель җепләрен тоташтыру бәясенә кертелгәнме?
Мөрәҗәгать итүчеләрнең актуаль сорауларына ТР Дәүләт экспертизасы төзелештә бәя кую идарәсе башлыгы урынбасары Лилия Мясоедова җавап бирә.
Сорау:
Аңлатыгыз әле, зинһар, ГЭСНм08-03-574 «Җайланмалар буенча разводка һәм кабель яки чыбык җепләрен тоташтыру» җыелмасында үтү юллары клеммаларын урнаштыру буенча эш исәпкә алынганмы? Аны ГЭСНм08-01-082 «Кожухсыз җыелма кысу» бәясе буенча аерым алам, заказ бирүче сызып ташлый, ГЭСНм08-03-574дә исәпкә алынган диеп.
Җавап:
ГЭСНм08 техник өлешенең 1.8.65 пункты нигезендә ГЭСНм 08-03-574 таблицалары җайланмалар һәм приборлар кыскычларына кабель яки чыбык җепләрен тоташтыру чыгымнарны билгеләү өчен файдаланыла. Әлеге җайланмалар һәм приборлар исемлеге «Электр көче һәм электр яктырту җайланмалары» 3 бүлегенең «Түбән вольтлы комплектлы җайланмалар» 4 бүлегендә исәпкә алына. Эш составында чыбыкларны комплектлау һәм тоташтыру эшләре исәпкә алынган. Шулай итеп, аппарат/приборларга чыбыкларны тоташтыру буенча эш комплексы исәпкә алына, ә кыскычлар (клеммалар) – җепләрне беркетү урыны, димәк монтаж эшкә кертелгән. Шулай ук ГЭСНм08нең 1.8.1 пунктында 8 җыентыкның смета нормалары белән тиешле техник шартлар һәм инструкцияләр таләпләре нигезендә билгеләнгән электромонтаж эшләренең тулы комплексын башкаруга чыгымнар исәпкә алынган. Бу очракта заказчы хаклы.