Дәүләт экспертизасы «Игелек чыршысы» Республика клиник хастаханәсе балалары өчен хәйрия чарасында катнашты
Яңа ел алдыннан, 15 декабрьдә, ТР Балалар Республика клиник хастаханәсе территориясендә «Дом вдали от дома» йортында традицион «игелек чыршысы» бәйрәме узды. Озак дәваланучы балалар һәм аларның гаиләләре өчен чараны ТР Дәүләт экспертизасы катнашында «Гаилә бергә» хәйрия фонды оештырды.
Бәйрәм программасын РФ Дәүләт Думасы депутаты Татьяна Ларионова ачып җибәрде. Үзенең мөрәҗәгатендә ул чараның җылы һәм берләштерүче атмосферасын ассызыклады, балаларга киләсе елда сәламәтлек һәм бәхет теләде һәм Кыш Бабайдан бүләкләр тапшырды..
Чараның төп партнеры ТР Дәүләт экспертизасы булды, ул барлык яшь пациентларга Яңа ел бүләкләре бирде. Дәүләт экспертизасы директоры Рафар Шакиров аңлатты: «Татарстан Республикасы дәүләт экспертизасы еш кына балалар өчен яхшы инициативаларда катнаша – бу бәйрәм кәефен һәм игътибарыбызны бүләк итү гына түгел, кайгыртучанлык һәм ярдәм итергэ мөмкинлек. Мондый очрашулар яхшылыкка ышанычны ныгыта, уңай хис-кичерешләр бирә һәм һәр баланың ышанычлы һәм якты киләчәге өчен ныклы нигез булдыра дип ышанабыз.»
11 нче тапкыр уздырыла торган бәйрәмне Наиля Хабибуллина җитәкчелегендәге «BRAVO» Event-агентлыгы оештырды. Кунаклар өчен кызыклы программа әзерләделәр: музыкаль номерлар, скрипка, иллюзионист чыгышлары, шулай ук Казанның иң зур Кыш Бабае һәм Кар Кызы белән бергә чыршы янында әйлән-бәйлән һәм шигырьләр.
Очрашу тату чәй эчү белән тәмамланды, анда торт, традицион татар камыр ризыклары һәм җиләк-җимешләр булды.
Пациентларның ата-аналары оештыручыларга һәм партнерларга зур рәхмәтләрен белдерделәр. «Без хастаханәдә дәвалану вакытында бала янында булу һәм уңайлы шартларда яшәү мөмкинлеге өчен, авыруны җиңәргә ярдәм итүче уңай хис-кичерешләр өчен бик рәхмәтле.. Бүгенге бәйрәм моңа тагын бер дәлил. Барыгызга да тагын да күбрәк җылылык, бәхет һәм, иң мөһиме, сәламәтлек телибез», - дип уртаклашты Андрей Касаткин, Максимның әтисе, гаилә йортында яшәүче.