Төзелеш контроле: белгечләргә таләпләр
Төзелеш контроле – төзелеш эшләренең сыйфатын, куркынычсызлыгын тикшерү чаралары комплексы.
Төзелеш өлкәсендә белгечләрнең Милли реестрына белешмәләр кертү турында таләп – төзелеш контроле функцияләрен башкаручы белгечләргә кагыла. (РФ Шәһәр төзелеше кодексының 55.5-1 маддәсе)
Төзелеш контроле капиталь төзелеш объектларын төзегәндә, реконструкцияләгәндә һәм капиталь ремонтлаганда гына үткәрелә – РФ Хөкүмәтенең 21.06.2010 № 468 карары белән расланган капиталь төзелеш объектларын төзегәндә, реконструкцияләгәндә һәм капиталь ремонтлаганда төзелеш контролен үткәрү турында нигезләмә буенча.
Нигезләмәнең 4 пункты буенча төзелеш контроле функцияләрен билгеләнгән тәртиптә шундый бурычлар йөкләнгән подрядчы яисә заказчы (техник заказчыны) хезмәткәрләре башкара ала.
Төзелешне оештыруда катнашучы конкрет затларның бурычларын һәм җаваплылыгын аларны эшчәнлекнең тиешле төре өчен җаваплы итеп билгели торган зат (төзүче, техник заказ бирүче, подрядчы) билгели.
Проектлау һәм эзләнүләрне тикшереп тору проект документациясенә экспертиза рәвешендә гамәлгә ашырыла (РФ Гражданлык кодексыны 49 маддәсе) – объектта эшләр этабында башлана торган төзелеш контроле кысаларында түгел.