ТР Дәүләт экспертизасы директоры Рафар Шакиров Ватан Саклаучылары көне белән котлый!
2025 елда Россия әһәмиятле тарихи датаны — Бөек Ватан сугышында Җиңүнең 80-еллыгын билгеләп үтте. Шулай ук бу ел рәсми рәвештә Ватанны саклаучылар елы дип игълан ителде, бу ата-бабаларыбыз батырлыгы һәм патриотик традицияләрнең дәвамчанлыгы турындагы истәлекләрнең аеруча мөһимлеген ассызыклый.
Хөрмәтле хезмәттәшләр, кадерле дуслар!
Татарстан Республикасы Дәүләт экспертизасы коллективы исеменнән Сезне Ватан Саклаучылары көне белән котлыйм!
Бүген без авыр вакытларда Ватанга ярдәм итәргә әзер булган батыр кешеләрне хөрмәтлибез. Бу кешеләр батырлык кына эшләмәделәр — алар безнең милли иминлегебез һәм суверенитетыбызның нигезен салдылар, Россиянең иң кыйммәтлесен-тынычлыгын, азатлыгын һәм абруен сакладылар.
Татарстан Республикасы Дәүләт экспертизасы хезмәткәрләре арасында хәзер Ватаныбызны саклаучы батырлар бар! Безнең коллектив аларга тыныч тормыш булдыруда ярдәм итә, төзелешнең иминлеген, ышанычлылыгын һәм сыйфатын тәэмин итеп.
Россия Төзелеш министрлыгы һәм ТР Төзелеш министрлыгы координациясе нигезендә РФ составына кергән яңа регионнарны торгызу һәм социаль-икътисадый үстерү буенча масштаблы эш җәелдерелде. Шуның нәтиҗәсендә илебезнең яңа территорияләрендә мәктәпләр һәм хастаханәләр, гаскәрләр һәм тыныч халык хәрәкәте өчен юллар, илнең икътисадын һәм оборона сәләтен ныгыта торган инфраструктура объектлары барлыкка килә.
Кадерле Ватан Саклаучылары, Сезгә нык сәламәтлек, рухи ныклык, тынычлык һәм иминлек телим. Сезнең батырлыкларыгыз турында истәлек безнең йөрәкләрдә яшәсен һәм безне көндәлек хезмәтебездә Татарстан Республикасы һәм бөтен Россия иминлегенә юнәлтсен!
Хөрмәт белән,
ТР Дәүләт экспертизасы директоры
Рафар Шакиров