Бүген ТНВда 20:15 сәгатьтә «Стройка с нуля» проектын карагыз: ландшафт дизайнын артык түләмичә ничек ясарга һәм акыл белән участокны ничек төзекләндерергә
Матур ландшафт дизайны кәефне күтәрә икәне исбатланган! Үз участогыңның ландшафт дизайнын мөстәкыйль рәвештә эшләп буламы һәм Татарстанда җәмәгать киңлекләрен төзекләндерүнең нинди технологияләрен кулланалар? Җаваплар - «Стройка с нуля»ның тугызынчы чыгарылышында.
Ландшафт дизайны – «бизәк» кенә түгел, ә тормыш сыйфатын яхшырту коралы. Ул сәламәтлеккә, социаль элемтәләргә, экологиягә һәм хәтта икътисадка да йогынты ясый. Урбанизация шартларында мондый киңлекләр кеше һәм тирәлек балансы өчен кирәк була.
Программаның беренче өлешендә ландшафт дизайнеры шәхси участокта уңайлылык булдыру серләрен ачачак. Эксперт гаиләнең сорауларыннан чыгып, территория үзенчәлекләрен дә исәпкә алып, бакчаны ял итү өчен уңайлы «көч урынына» ничек әверелдерергә икәнен аңлатачак. Сез төрле бюджетлы проектны ничек тормышка ашырырга икәнен белерсез — экономияле яшь үсентеләрдән алып формалашкан агачларга кадәр, шулай ук төп тренд — шәһәрдә табигый почмак булдыру турында.
Программаның икенче өлешендә гражданнар өчен уңайлы, куркынычсыз, күп функцияле һәм матур иҗтимагый киңлек булдыру турында фикер алышачакбыз. Программаны төшерү «Уңайлы шәһәр мохитен формалаштыру» Дәүләт программасы буенча яңартылган ял зоналарында бара. Татарстанда гына да 2015 елдан бирле 450 парк, сквер һәм яр буйлары төзекләндерелгән. Ә бөтен ил буйлап соңгы елларда 79 мең яңа иҗтимагый киңлек барлыкка килде, аларның күбесе Бөтенроссия грант конкурсы акчаларына булдырылды.
Студиядә һәм шәһәр урамнарында үзләренең белемнәре белән өч төп белгеч уртаклашачак:
Төзелеш ресурсларына бәяләр мониторингы бүлеге башлыгы Руслан Закиров яңа паркларның экологияне һәм шәһәр атмосферасын ничек яхшыртулары турында сөйләячәк.
Экспертиза идарәсе җитәкчесе Энже Мусаева районның уникаль йөзен ничек саклап калырга һәм яңа киңлекне бергәлек тормышына органик рәвештә туры китерерлек итеп эшләргә кирәклеге турында сөйләячәк.
Төзелештә бәя кую идарәсе башлыгы Татьяна Антонова белән проект бюджетының ничек бәяләнүе, финанслауны нинди чыганаклардан җәлеп итәргә һәм икътисадый нәтиҗәлелекне ничек исәпләргә икәнлеге турында фикер алышырбыз.
ТНВ да бүген 20:15 сәгатьтә «Стройка с нуля» чыгарылышын калдырмагыз. Безнең белән бергә уңайлы тормыш төзегез!
Әгәр сез Төзелеш турында уйлыйсыз икән, сезнең баштан ук башларга уникаль мөмкинлегегез бар. Алдагы чыгарылышларда сез белә аласыз:
1 нче чыгарылыш: өй проектын сайладык: әзер сатып алырга яки индивидуаль проектка заказ бирергә
2 нче чыгарылыш: төзелеш участогында нинди «су асты ташлары» табылырга мөмкинлеген белдек
4 нче чыгарылыш: яңгыр һәм бураннарны кичерсен өчен түбәне ничек монтажларга икәнен ачыкладылар
6 нчы чыгарылыш: кайсысы отышлырак - төзүчедән әзер йорт сатып алыргамы яки мөстәкыйль төзергәме
7 нче чыгарылыш: матур ремонт ничек янгынга сәбәп булырга мөмкин