Лупа астында объект: Болгардагы Ак Мәчет комплекслы үзгәртеп коруга әзерләнә
Болгарның төп рухи һәм архитектура символы – «Ак мәчет» комплексы торгызуга һәм төзекләндерүгә әзерләнә. ТР Дәүләт экспертизасы эшләрнең смета бәясен билгеләүнең дөреслеген тикшерү буенча уңай нәтиҗә бирде.
2012 елда ачылган Ак мәчет, Болгар цивилизациясенең тарихи истәлекләре белән беррәттән, борынгы Болгарның визит карточкасы булып тора. Бу мәһабәт комплекс гыйбадәт кылу урыны гына түгел, ә рухи үзәк тә – биредә Болгар ислам академиясе урнашкан.
Комплекс үз эченә намаз заллары булган мәчетне, мусалла мәйданын, мәдрәсәне, руханилар резиденциясен һәм паркны ала.
Гомуми мәйданы: 3686,1 кв. метр.
Капиталь ремонт ясау-бу яшь, әмма тарихи әһәмияткә ия объектны киләчәк буыннар өчен саклап калу буенча мөһим адым. Эшләр вакыт узу белән котылгысыз җитешсезлекләрне бетерү генә түгел, ә Татарстанның бу уникаль почмагына ел саен килүче мәхәллә кешеләре, студентлар һәм күпсанлы туристлар өчен дә уңайлылыкны арттырырга мөмкинлек бирәчәк.
Төзүче: Мөселман дини оешмасы «Болгар ислам академиясе» дини югары белем бирү оешмасы.
Проектта каралган ремонт эшләре:
- гранит плитәләр һәм брусчаткалар салуны, газоннар коруны һәм фонтанны ремонтлауны үз эченә алган комплекслы төзекләндерү
- биналарның ныклыгын тәэмин итү өчен подвал бүлмәләрен ремонтлау, фундаментларны гидроизоляцияләү һәм ярыкларны инъекцияләү
- заманча су агызу лотокларын төзү