ТР Дәүләт экспертизасында директорның яңа урынбасары билгеләнде

2025 елның 20 октябре, дүшәмбе

2025 елның 20 октябреннән Артур Илгизәр улы Исмәгыйлев ТР Дәүләт экспертизасы директоры урынбасары вазифасына кереште.

Артур Исмәгыйлев-тәҗрибәле җитәкче, Татарстан Республикасының төзелеш өлкәсе белән яхшы таныш. Элегрәк ул «Татарстан Республикасының пространство планлаштыру институты» (ИПП РТ) директорының беренче урынбасары вазыйфасын башкарган, ә моңа кадәр ТР Төзелеш, архитектура һәм торак-коммуналь хуҗалык министрлыгында мәгълүмати-аналитик идарәне җитәкләгән.

ТР Дәүләт Экспертизасындагы яңа вазыйфасында Артур Илгизәр улы учреждение үсешенең төп юнәлешләренең берсен – цифрлаштыруны җитәкләячәк. Аның тәҗрибәсе заманча технологияләр кертүгә һәм эксперт процессларын оптимальләштерүгә ярдәм итәчәк.

ТР Дәүләт экспертизасы коллективы Артур Илгизәр улын җаваплы вазыйфага билгеләнүе белән котлый һәм аңа уңышлар, билгеләнгән планнарның тормышка ашуын һәм яңа һөнәри югарылыкларга ирешүләрен тели!