ТР Дәүләт экспертизасында 2025 елның III кварталында коррупциягә каршы көрәш эшенә йомгак ясалды
ТР Дәүләт экспертизасында коррупциягә каршы көрәш комиссиясенең планлы утырышы узды. Чараның төп темасы 2025 елның III кварталында коррупциягә каршы чараларның ведомство планы үтәлешен анализлау булды.
Хисап чорына планлаштырылган коррупциягә каршы чаралар тулысынча үтәлде. 2025 елның III кварталы дәвамында учреждениедә мәнфәгатьләр конфликтын булдырмау һәм җайга салуга кагылышлы коррупциягә каршы закон таләпләрен бозуның бер генә очрагы да ачыкланмаган. Дәүләт хезмәтләрен күрсәтү тәртип бозуларсыз башкарылды, ә хезмәткәрләр хезмәт тәртибенә таләпләрне бозган өчен дисциплинар җаваплылыкка тартылмады.
Утырыш барышында коррупцияне профилактикалауның төп коралы буларак мәнфәгатьләр конфликтын ачыклау роленә аерым игътибар бирелде. Докладчылар үз чыгышларында күпчелек коррупцион хокук бозулар нигезендә нәкъ менә хезмәт вәкаләтләре шәхси максатларда кулланыла торган мәнфәгатьләр конфликты ята, дип ассызыкладылар.
ТР Дәүләт экспертизасының юридик бүлеге башлыгы Гөлназ Ильясова мәнфәгатьләр конфликты барлыкка килүнең типик ситуацияләре һәм аларны булдырмау системасы турында җентекле доклад белән чыгыш ясады. Ул билгеләп үткәнчә, хокукый нигез булып хезмәткәрләрнең мондый хәлләр килеп чыгу мөмкинлеген булдырмау буенча чаралар күрү бурычы тора, шулай ук барлык хезмәткәрләрнең дә коррупциягә каршы закон таләпләрен тайпылышсыз үтәү зарурлыгын ассызыклады.
Ачыклыкны һәм методик ярдәмне тәэмин итү максатларында учреждениенең рәсми сайтында коррупцияне булдырмау мәсьәләләрен регламентлаучы документлар урнаштырылган, шул исәптән:
• Мәнфәгатьләр конфликтын булдырмау һәм җайга салу турында нигезләмә
• Сатып алулар өлкәсендә мәнфәгатьләр конфликтын булдырмау турында нигезләмә
Мәнфәгатьләр конфликты барлыкка килү турында белешмәлек һәм хәбәр итү формасы