Оксана Тимофеева Казан милли ярыммарафоны турында: команда рухыннан башка шәхси җиңү юк
Якшәмбе көнне, 2025 елның 5 октябрендә, Татарстан башкаласында көзнең төп спорт вакыйгаларының берсе – Казан милли ярыммарафоны узды. Масштаблы йөгерү бөтен Россиядән һәм чит илләрдән меңләгән профессиональ атлетларны һәм сәламәт яшәү рәвешен яратучыларны җыйды.
ТР Дәүләт экспертизасы гадәттәгечә спорт инициативаларын хуплый һәм үз хезмәткәрләре арасында актив озын гомер кыйммәтләрен пропагандалый. Быел учреждение коллективын 21,1 км дистанциядә проектларны озату һәм бәяләмәләр бирү бүлегенең баш белгече Оксана Тимофеева лаеклы тәкъдим итте.
Җитди әзерлек узгач, Оксана 01 сәгать 44 минут 30 секунд шәхси нәтиҗәсе белән ярыммарафонның бөтен дистанциясен уңышлы үтеп, гаять зур ихтыяр көчен һәм чыдамлыгын күрсәтте. Мондый күрсәткеч – максатчанлыкның һәм бик яхшы физик форманың ачык дәлиле.
Бу спорт казанышы Оксана өчен бу сезонда инде икенче җитди нәтиҗә булды. Сентябрь уртасында ул илнең иң масштаблы йөгерү вакыйгаларының берсендә — Мәскәү марафонында уңышлы чыгыш ясады. Ул дистанциядә Оксана 3 сәгать 46 минут 43 секунд тәэсирле нәтиҗә белән 42,2 километрны узды, яңадан югары әзерлек дәрәҗәсен һәм ихтыяр көчен күрсәтте. Бу казаныш турында тулырак монда укырга мөмкин.
«Мондый әһәмиятле спорт вакыйгасында катнашу-онытылмаслык тәҗрибә. Коллегаларның ярдәме һәм бәйрәм атмосферасы финишка елмаеп барып җитәргә ярдәм итте! Минем өчен ТР Дәүләт экспертизасында сәламәт яшәү рәвешен һәм хезмәткәрләрнең спорт белән мавыгуларын хуплау бик мөһим, чөнки шәхси җиңү команда рухыннан башка мөмкин түгел!»,- дип тәэсирләре белән уртаклашты Оксана Тимофеева.
ТР Дәүләт экспертизасы җитәкчелеге һәм хезмәттәшләре Оксананы әлеге спорт казанышы белән котлыйлар һәм аның максатчанлыгы белән горурланалар. Безнең хезмәткәрнең уңышы бөтен коллектив өчен ачык үрнәк булып тора һәм югары профессиональ нәтиҗәләрнең һәрвакыт актив тормыш позициясе белән кулга-кул тотынышып баруын раслый.