Казан үзәгендә Крестовниковлар йортын реконструкцияләү проектын Россиядә иң яхшысы дип таныдылар

2025 елның 9 сентябре, сишәмбе

Күптән түгел ТР Дәүләт экспертизасы бу проект хакында җентекләп язды. Ул Казанның тарихи үзәгенең бер энҗесе булып тора.

Казан үзәгендә XIX гасырга караган һәйкәлләренең берсен реставрацияләү проекты ТР Дәүләт Экспертизасыннан «яшел ут» алып кына калмыйча, бөтен илдән 52 проектны узып, «алтын капитель» милли архитектура рейтингында җиңү яулады. Рейтинг экспертлары бинаны заманча тормыш белән тутырып, кирпеч фасадларны һәм декорны беренчел хәлдә сакларга мөмкинлек бирә торган комплекслы алымны югары бәяләделәр.

Бина кунакханә комплексы итеп җайлаштырылачак. Тимер — бетон каркасны нәзакәтле итеп урнаштыру, күп яктылыклы киңлекләр, тарихи тәрәзә уемнары аша заманча яктырту һәм барлык нормаларга тулысынча туры килү - менә бу проект уңышының җиңү формуласы.