Татарстанның коммуналь инфраструктурасы эксперт ярдәме күзлегеннән

2025 елның 4 августы, дүшәмбе

ТР дәүләт экспертизасы тарафыннан «Россия Федерациясе гражданнарын һәркем сатып ала алырлык уңайлы торак һәм коммуналь хезмәтләр белән тәэмин итү» Россия Федерациясе дәүләт программасының «Коммуналь инфраструктураны модернизацияләү» федераль проекты кысаларында 2025 елда Татарстан Республикасында гамәлгә ашырыла торган коммуналь инфраструктураны модернизацияләү объектларына үз вакытында экспертиза ясау буенча актив эш алып барыла.

2025 елда әлеге программага 36 объект кертелгән. Барлык объектлар буенча бәяләмәләр әзер.

Шул исәптән агымдагы елда Татарстан Республикасы Рәисе Рөстәм Миңнеханов шундый ук республика программасына старт бирде, аңа 100 объект керде.

Югарыда күрсәтелгән программаларны гамәлгә ашыру Татарстан Республикасы Төзелеш, архитектура һәм торак-коммуналь хуҗалык министрлыгы тарафыннан даими контрольдә тотыла.

Экспертиза су белән тәэмин итү, ташландык суларны агызу челтәрләрен, магистраль суүткәргечләрне, канализация коллекторларын, хуҗалык-көнкүреш канализациясен ремонтлау кебек эшләргә карата үткәрелә.

25.07.2025 көненә, белдерелгәннәрне исәпкә алып, 80нән артык объект буенча нәтиҗәләр әзерләнгән инде.