Экспертизаның яңа кагыйдәләре: ТР Дәүләт экспертизасында федераль кануннарга үзгәрешләр кертү турында фикер алыштылар
2025 елның 16 июнендә ТР Дәүләт экспертизасында Россия Федерациясе Хөкүмәтенең 31.05.2025 № 827 карары буенча фикер алышуга багышланган киңәйтелгән техник советы утырышы узды. Документ төп норматив актларга үзгәрешләр кертә — Россия Федерациясе Хөкүмәтенең 05.03.2007 № 145 карарына һәм Россия Федерациясе Хөкүмәтенең 24.07.2017 № 878 карарына, алар Бердәм цифрлы экспертиза (ЕЦПЭ) платформасында проект документациясенә экспертиза оештыруны һәм бәяләмәләрнең Бердәм дәүләт реестры (ЕГРЗ) белән эшне җайга сала.
Техник совет ТР Дәүләт экспертизасы директоры Рафар Шакиров җитәкчелегендә узды. Фикер алышуда учреждениенең барлык бүлекәре җитәкчеләре катнашты.
Эксперт эшчәнлеген оештыру: уңайлылык һәм сыгылмалылык
ТР Дәүләт экспертизасы директоры урынбасары Гүзәл Ногманова кабат экспертиза ясауның һәм проектларны озатып баруның сизелерлек гадиләштерелүе турында сөйләде. Типовой проект документациясен кулланып әзерләнгән документлар өчен хәзер кертелгән үзгәрешләрне тасвирлап белешмә бирү таләп ителми. Моннан тыш, гаризага экспертиза узу барышында да үзгәрешләр кертү мөмкинлеге барлыкка килде.
Яңа карар экспертиза срокларын озайту тәртибен төгәл билгели: төзүче, Хөкүмәт комиссиясе яки региональ органнар белән килештереп, 20 эш көненә, ә стратегик әһәмиятле объектлар өчен өстәмә рәвештә 30 көнгә озайтуга гариза бирә ала.
Төп игътибар экспертизага бирелгән гаризаларның эчтәлегенә карата яңа таләпләргә бирелде: хәзер аларда муниципаль берәмлекләрнең ОКТМО (муниципаль берәмлекләр территорияләренең гомумроссия классификаторы) буенча цифрлы кодларын күрсәтү мәҗбүри, ә булган очракта — «Электрон бюджет» системасыннан объектларның уникаль кодларын күрсәтү мәҗбүри. Бу мәгълүматларны унификацияләүгә һәм документ әйләнешен цифрлаштыруга бер адым.
Бу үзгәрешләр эксперт оешмалары эшенә генә түгел, ә мөрәҗәгать итүчеләрнең үзләренә дә - төзүчеләргә һәм техник заказчыларга да кагыла.
Юридик аспектлар: төгәлрәк һәм заманчарак
ТР Дәүләт экспертизасының Юридик бүлеге җитәкчесе Гөлназ Ильясова үзгәрешләрнең экспертизага гаризада чагылдырылган белешмәләр составына кагылуы һәм дәүләт экспертизасын уздыру өчен бирелә торган документларга таләпләр өстәлүе турында хәбәр итте.
• Экспертиза вакытын озайту процедурасына игътибар итте.
• Аерым билгеләп үткәнчә, хәзер ЕГРЗга язылу бәяләмә бирү фактына тиңләнә, ә реестрдан выписка бирү вакыты 10 көннән 3 көнгә кадәр кыскартылган. Бу мөрәҗәгать итүчеләрнең мәгълүмат алу процессын тизләтә.
Экспертиза эчтәлеге: детальләштерү һәм үтә күренмәлелек
ТР Дәүләт экспертизасының Экспертиза идарәсе башлыгы урынбасары Тамара Сальникова экспертиза бәяләмәләренең эчтәлегендәге үзгәрешләрне ассызыклады. Хәзер ЕГРЗда тискәре бәяләмә бирү сәбәпләре, техник хаталарны төзәтү һәм объектны милли һәм төбәк проектларына кертү турындагы мәгълүмат теркәлә. Мондый мәгълүматлар системаны үтә күренмәле һәм мәгълүмати итәчәк. ЕГРЗдан алынган мәгълүматлар күләме киңәйтелде:
• капиталь төзелеш эшләренең төре
• функциональ билгеләнеше
• «Электрон бюджет» уникаль коды
• экспертиза бәяләмәсендәге техник хатаны төзәтү турында белешмәләр