Татарстанда җәмәгать урыннарын төзекләндерү буенча онлайн-тавыш бирү бара

2025 елның 21 апреленнән 12 июненә кадәр Татарстан халкы «Уңайлы шәһәр мохитен формалаштыру» федераль программасы кысаларында төзекләндерү өчен җәмәгать урыннарын сайлый алачак.

Программаны уңышлы тормышка ашыруның мөһим аспекты булып гражданнарның актив катнашуы тора. Россия Төзелеш министрлыгы «Милли приоритетлар» АНО белән берлектә онлайн-тавыш бирүне башлап җибәрә, ул «ТР Дәүләт хезмәтләре» порталында һәм «ТР хезмәтләре» мобиль кушымтасында «Халыктан сораштыру» сервисы аша узачак.

Узган ел тавыш бирүдә 420 000нән артык кеше катнашты, быел да кимендә 405 000 гражданны җәлеп итү планлаштырыла.

Кушымтадагы QR-код буенча, ЕСИА аша авторизация узып, тавыш бирергә мөмкин.

Сезнең активлыгыгыз безнең шәһәр тирәлеген комфортлы һәм уңайлырак итәргә ярдәм итәчәк!