Экспертлар бәямәсе: «Алабуга» махсус икътисади зона объектларын ТР Дәүләт экспертизасы экспертлары тикшерде
Төзелештә комплекслы якын килү бүген заманча компанияләр өчен уңышның төп факторы булып тора. Әлеге эш ысулы Россиянең эре махсус икътисадый зоналарында проектларны экспертлар белән тәэмин иткәндә үзен уңышлы күрсәтте. «Алабуга» МИЗ, «Менделеевск» МИЗ һәм Иннополис кебек мөһим заказчылар белән хезмәттәшлектә бу алым аеруча нәтиҗәле. Бу мәйданчыклар объектлар төзүне генә түгел, ә проектлау, торгызу, эксплуатациягә кертүне һәм алга таба озатып баруны үз эченә алган бурычларны комплекслы хәл итүне таләп итә.
ТР Дәүләт экспертизасы вәкилләре «Алабуга» МИЗның дәүләт экспертизасы узган кайбер төп объектлары буенча экскурсиядә катнаштылар. Бу үз эшеңне бәяләүдә, тәҗрибә уртаклашуда һәм үсешнең яңа нокталарын эзләүдә мөһим этап булды.
Чараың төп бурычы - реаль картинаның исәпләнгән мәгълүматлар белән туры килү төгәллеген бәяләү. Шуңа күрә проект карарларын гамәлгә ашыруның сыйфатына, төзелешнең нормалар һәм стандартлар таләпләренә туры килүенә, шулай ук төзелешнең срокларын һәм этаплылыгын төгәл үтәүгә аерым игътибар бирелде. ТР Дәүләт экспертизасы элегрәк «Алабуга» махсус икътисадый зонасының кайбер объектлары документларына эксперт бәяләмәсе үткәргән иде. Мондый сәяхәтләр перспективаларны аңлау һәм киләчәк эшне планлаштыру өчен яхшы практикага һәм мөһим этапка әверелде.
Беренче тукталыш Тъбщн Камадагы «Ден Сяопин исемендәге логистик комплекс» (ЛКДС). Бу эре индустриаль комплекс экспертларны логистик процессларны оештыру дәрәҗәсе һәм төзелешне гамәлгә ашыру сыйфаты белән таң калдырды.
Аннары «Алабуга» МИЗ заводлары буенча танышу экскурсиясе булды. Экспертларга ИТП микроэлектроника корпусының җитештерү эшен үз күзләре белән күрү мөмкинлеге бирелде. Заводның кадрлар составына аерым игътибар итәсе килә: биредә яшь белгечләр күп һәм бу очраклы түгел, кадрлар кытлыгы «АлабугаПолитех» мәгариф үзәге эшчәнлеге нәтиҗәсендә ябыла.
Кампусларга һәм «АлабугаПолитех» белем бирү үзәгенә аерым игътибар бирелде. Әлеге проектлар яшьләрне укыту һәм карьера үсеше өчен мохит формалаштыруга яңача якын килүләрне күрсәтә. Мәгариф киңлеген планлаштыруда инновацион карарлар аеруча кызыксыну уятты.
BIM-технологияләрне тәкъдим итү аерым вакыйга, экспертларга «Алабуга» МИЗ объектларын проектлау һәм төзегәндә цифрлы модельләштерүнең өстенлекләре күрсәтелде.