Камалның яңа бинасы: Татарстанда елның архитектур премьерасы
27 март — Халыкара театр көне. Татарстанда ул инде икенче ел рәттән төп мәдәни вакыйга — яңа Камал театры төзелеше һәм ачылу билгесе астында уза. 2023 елда республика Кабан ярында булачак татар мәдәнияте символының үсүен күзәтте. Бәйрәм хөрмәтенә без бу объектны лупа астына алырга һәм яңа театрның архитектурадан алып инженерлык чишелешләренә кадәр нинди уникаль булуы турында сөйләргә булдык.
Театр — киләчәкнең иҗтимагый үзәге
Г.Камал исемендәге Татар дәүләт академия театрының яңа бинасы — спектакльләр өчен сәхнә генә түгел. Ул күп функцияле иҗтимагый киңлек буларак уйланылган. Комплекс Казанның үзәгендә — Кабан күле ярында урнашкан һәм милли мотивлар белән заманча инженерлык чишелешләренә корылган.
Проект Халыкара конкурс нәтиҗәсе, анда Wowhaus Мәскәү бюросы һәм kengo Kuma & Associates Япон бюросы җитәкчелегендәге консорциум җиңү яулады. Уйланылган силуэтлы бина: пыяла-алюминий фасадның өчпочмаклы элементлары күк йөзен һәм суны чагылдыра, табигый тирәлектә «эрү» эффектын тудыра.
ТР Дәүләт экспертизасының төп роле
Мондый масштаблы объект профессиональ һәм бәйсез экспертиза таләп итә. Нәкъ менә ТР Дәүләт экспертизасы проект документациясенең төзелеш нормаларына һәм инженер эзләнүләре нәтиҗәләренә туры килүенә комплекслы тикшерү үткәрде. Бирелгән уңай нәтиҗә проектның куркынычсыз, сыйфатлы булуын һәм РФ һәм ТР законнары таләпләренә җавап бирүен раслап, төзелешкә башлангыч бирде.
Техник һәм архитектура үзенчәлекләре
Бинаның гомуми мәйданы — 59 609 м2
Максималь биеклек — 43,56 м (сәхнә тартмасы районында)
BIM-модельдәге проект — барлык документация цифрлы форматта алып барылды, бу архитектураны, конструкцияләрне һәм инженер системаларын төгәл бәйләргә мөмкинлек бирә.
Фасад һәм түбә
Театрның фасады — пыяладан һәм корыч каркаска таянып ясалган катлаулы геометрик конструкцияләр.
+13 800 м дәрәҗәсендә 1 700 м2 мәйданлы куәтле түбә төзелгән — анда кафе, терраса һәм шәһәр халкы өчен ачык керү мөмкинлеге бар. Бу бинаның бишенче фасады — үтә күренмәле киртәләр, тоташ парапет һәм югары җылылык изоляциясе белән.
Театр эчендә-дүрт зал, һәркайсы үз характеры белән
Зур зал — 759 урын
Оркестр чокыры, баланс һәм югары сәхнә механикасы белән классик формат. Аерым янгын сүндерү бүлеге, акустик изоляция һәм аз хәрәкәтләнүче тамашачылар өчен 24 урын.
Көныгыш зал — 250 урын
Камера һәм эксперименталь куелышлар өчен түгәрәк зал, амфитеатр, инвалидлар өчен бүлеп бирелгән урыннар бар.
Универсаль зал— 300 урынга кадәр
Трансформалаштырыла торган сәхнә һәм тамашачылар өчен сыгылмалы утыру. Пространство конференцияләр өчен дә, концертлар өчен дә, кино күрсәтүләр өчен дә яраклы.
Камера залы — 41 урын
Иҗади очрашулар, репетицияләр һәм зур булмаган спектакльләр өчен.
Холллар һәм фойелар — уңайлылык һәм яктылык өчен
Төп вестибюль барлык тамашачыларны бер мәртәбә күрсәтүгә исәпләнгән — 1 348 кешегә кадәр. Биредә көтү, рецепция зоналары, буфетлар, күргәзмә бүлмәләре урнашкан.
Панорама пыяласы —яктылык өчен генә түгел, шәһәр белән визуаль элемтә өчен дә.
Интерьерлар — татар орнаментлары һәм заманча минимализм сайланган.
Барлык фойеларда да ял итү зоналары һәм буфетлар каралган.
Куркынычсызлык — беренче урында
• Бөтен бина буенча автомат янгын сүндерү сигнализациясе
• Куркыныч зоналарда янгын сүндерү
• Янгынга каршы пәрдәләр һәм сәхнәгә пәрдәләр
• Эвакуациянең барлык юллары төтенсез баскычлар белән тәэмин ителгән
Иң мөһиме театрда - кешеләр
Бер үк вакытта театр 1 348 тамашачыны сыйдыра
Штатта — 544 хезмәткәр
Барлык инженерлык чишелешләре тамашачылар өчен дә, җитештерүчеләр өчен дә уңайлылыкны исәпкә алып эшләнә.
Нәтиҗә: театр гына түгел, ә киләчәкнең мәдәни үзәге
Яңа Камал театры — ул мәдәният объекты гына түгел. Бу Казан үсешенең яңа символик этабы.. Сыйфатлы экспертиза һәм кыю архитектура карарлары нәтиҗәсендә әлеге театр бүген үк Татарстан театрының төп сәхнәсенә әверелде.
Дания Нуруллина, ТР халык, РФ атказанган артисты:
«Бу яңа бина яшь буынны үзенә тарта кебек. Яшь артистлар яңалык тойгысыннан очып йөриләр шикелле. Без, театр артистлары, акрынлап бу масштаблы һәм глобаль бинабызга күнегәбез. Кичә беренче тапкыр «Зәңгәр шәл»не уйнадык. Сәхнә сәхнә булып кала - ул нинди генә булмасын, барыбер кызыктыра, үзенә тартып тора...»
Фәнис Җиһанша, ТР халык артисты:
«Яңа йорт, яңа йорт инде ул, әлбәттә, барысы да шатландыра. Дөресен генә әйткәндә, мин иске бинадан чыгып киткәнемне сизмим дә, монда сәхнә бик охшаш. Мин утны аерып әйтер идем: югары дәрәҗәдәге ут куелды, барысы да яңа буяулар белән уйный башлады. Әлегә мин бик канәгать. Ә алга таба тормыш күрсәтәчәк: плюсларын да, нәрсә өстендә эшләргә кирәклеген дә».