Трассадагы һәм эштәге триумф: Артем Пиряков Dubai Kartdrome Kdurance Championship алтын медален яулады!
ТР Дәүләт экспертизасының системалы администрацияләү бүлеге башлыгы Артем Пиряков сөенече белән уртаклашты: Dubai Kartdrome Cdurance Championship кызу узышларында ул легендалар белән көрәштә очрашып кына калмыйча, чемпионнар кубогын баш өстеннән күтәреп, финишка беренче булып килде! Безнең коллегабыз тизлек һәм профессионализмда чикләр булмавын тагын бер кат исбатлады.
Dubai Kartdrome Cdurance Championship - ул дөнья автоспортының төп вакыйгалары исәбенә керүче һәм ел саен легендар узышчыларны җыя торган ярыш. Алар арасында-Формула-1 чемпионы Фернандо Алонсо, McLaren экс-пилоты Педро Де ла Роза һәм Formula E йолдызы Стоффел Вандорн. Мондый йолдызлы компаниядә Артем катнашып кына калмады - ул подиумның беречнеләр рәтендә иде, чын җиңүче һөнәрендә дә, хоббисында да уңышка ирешә алды!
«Бу җиңү — дисциплина һәм тизлекне ярату нәтиҗәсе», — дип уртаклашты Артем Пиряков.
«Картингта, ITдагы кебек үк, һәр деталь мөһим: төгәл планнан алып команданың җайга салынган эшенә кадәр. Әмма иң мөһиме-амбициоз максатлар куярга курыкмау. Легендалар белән көндәшлек минем өчен сынау булды, ә аларның тәҗрибәсе осталыкның яңа дәрәҗәсенә илһамландырды. Хисләр ышанмаслык - старт трегыннан финиш флагына кадәр!»
Чемпион кубогы ТР Дәүләт экспертизасының беренче катында урын алды. Һәр хезмәткәр трофейны шәхсән күрә ала, ул спорт триумфын гына түгел, ә безнең командага хас рух көчен дә символлаштыра.
«Безнең сафларда шундый күпкырлы һәм максатчан профессионаллар булуы белән горурланабыз! Артемның уңышы хезмәттәшләребезне теләсә нинди башлангычларда югарылыкка омтылырга илһамландыра. Трассада да, катлаулы бурычларны хәл итүдә дә яңа җиңүләр телибез! Тормышның һәр виражы шатлык һәм зур казанышлар китерсен!»,- дип котлады Артем Пиряковны ТР Дәүләт экспертизасы директоры Рафар Шакиров.