Татарстан Россия өчен үрнәк булып тора: 2025 елда 34 проект типовой дип танылды

2025 елның 12 марты, чәршәмбе

Татарстан Республикасы инновацион төзелеш чишелешләрен гамәлгә кертү буенча лидерларның топ-9 регионына кереп, илнең башка регионнары өчен үрнәк булып, төзелеш тармагында ышанычлы рәвештә алдынгы урыннарны били.

Заманча балалар бакчаларын һәм спорт комплексларын да кертеп, үрнәк проектларны раслап, республика инновацияләрнең һәм стандартлаштыруның, чыгымнарны һәм вакытны кыскартып, төзелешне оптимальләштерә алуын күрсәтә.

Россия Төзелеш министрлыгы тарафыннан типовой дип танылды:

• «Салават күпере – 2» торак комплексында урнашкан 260 урынга исәпләнгән балалар бакчасы (Казан);

• «Царево» торак районында урнашкан 340 урынга исәпләнгән балалар бакчасы (Питрәч районы);

• Усады авылында 20×40 м кыры һәм административ бинасы булган ябык футбол манежы (Лаеш районы);

• Габишево авылында урнашкан 350 урынга исәпләнгән күпфункцияле үзәк (Лаеш районы);

• Габишево авылында урнашкан универсаль спорт залы(Лаеш районы).

Бу проектлар энергия нәтиҗәлелеге, куркынычсызлык һәм уңайлылык өлкәсендәге иң яхшы тәҗрибәләрне үз эченә ала, ә аларны тиражлау индивидуаль эшләнмәләр белән чагыштырганда төзелеш срокларын һәм чыгымнарны кыскартырга мөмкинлек бирәчәк.

Бүгенге көнгә проект документациясенә экспертиза бәяләмәләренең бердәм дәүләт реестрына Татарстаннан 34 объект кертелгән, алар арасында:

• 7 мәктәп

• 8 балалар бакчасы

• 4 сәламәтлек саклау объекты

• 9 спорт объекты

• 4 мәдәният объекты

• 2 сәнәгать объекты.

Барлык расланган объектларны «проектлар витринасы» онлайн-сервисында карап була, анда төбәкләр үз ихтыяҗларына җайлаштырылган карарлар таба ала. Операторы Россиянең Главгосэкспертизасы булган платформа аналогларны чагыштырырга, сметаларны өйрәнергә һәм илкүләм проектларны гамәлгә ашыруны тизләтергә мөмкинлек бирә.