Россия Төзелеш министрлыгы төзелеш ресурслары классификаторын яңартты

2025 елның 25 феврале, сишәмбе

Россия Төзелеш Министрлыгының 17.02.2025 № 82/пр боерыгы белән төзелеш ресурсларының яңартылган классификаторы расланды. Документ капиталь төзелеш объектлары төзелешенең смета бәясен билгеләү системасын камилләштерүгә юнәлдерелгән.

Россия Төзелеш министрлыгы илдә төзелеш процессларының ачык булуын, нәтиҗәлелеген һәм сыйфатын тәэмин итү өчен төзелеш өлкәсендә норматив базаны камилләштерү эшен дәвам итә.

Яңартылган төзелеш ресурслары классификаторы төзелеш тармагындагы үзгәрешләрне, шул исәптән яңа материаллар, технологияләр һәм төзелеш методлары барлыкка килүне исәпкә алырга тиеш. Бу проектларның смета бәясен төгәлрәк исәпләргә һәм бюджет акчаларын куллануның нәтиҗәлелеген арттырырга мөмкинлек бирәчәк.

Төзелеш ресурслары классификаторы Төзелештә бәя кую  Федераль дәүләт мәгълүмат системасында урнаштырылган.