Белемнәр коллаборациясе: Татарстан һәм Беларусь дәүләт экспертизалары эш мәсьәләләре буенча фикер алыштылар
2025 нче елның 28 нче гыйнварында Татарстан Республикасының Дәүләт экспертизасында эш визиты белән Минск һәм Могилев өлкәләрендәге филиаллардан Беларусь Республикасы Главгосстройэкспертизасы делегациясе булды.
Сәфәрнең максаты Беларуссия һәм Россия эксперт оешмалары арасында дәүләт төзелеш экспертизасы һәм консультатив-методологик практика өлкәсендә эшлекле мөнәсәбәтләр урнаштыру һәм ныгыту булды.
ТР Дәүләт экспертизасы директорының беренче урынбасары Тимур Зинәтуллин делегацияне ТР Дәүләт экспертизасы эшенең үзенчәлекләре белән таныштырды һәм хезмәттәшлекнең мөһимлеген ассызыклады: «Без Беларус коллегаларыбыз белән элемтәләрне ныгытырга омтылабыз. Бу хезмәттәшлек безгә тәҗрибә уртаклашырга һәм төзелеш экспертизасы өлкәсендә иң яхшы тәҗрибәләр кертергә мөмкинлек бирә».
Очрашу кысаларында проект документациясенә экспертиза уздыру, шулай ук төзелеш процессларын нәтиҗәле башкаруны тәэмин итә торган норматив базаны камилләштерү һәм төзелеш объектларына мәгълүмати модельләштерү технологияләре белән экспертиза уздыру белән бәйле мәсьәләләр буенча тәҗрибә уртаклашу булды.
ТР Дәүләт экспертизасының бурычы – проект документациясенә экспертиза барышында югары стандартлар һәм үтә күренмәлелек тәэмин итү. ТР Дәүләт экспертизасы директоры урынбасары Гүзәл Ногманова катнашучыларга экспертизаның сыйфатын яхшыртуга юнәлдерелгән агымдагы проектлар һәм инициативалар турында сөйләде. Ул хәбәр иткәнчә, комплекслы эксперт хезмәтләре һәм техник советлар күрсәтүгә күчү туры килмәүләрне ачыкларга һәм документациягә оператив рәвештә үзгәрешләр кертергә мөмкинлек бирә.
Татарстан Республикасының Дәүләт экспертизасы директоры урынбасары Игорь Алексеев 30.12.2009 елның № 384-ФЗ техник Регламентының дәлилләү базасына кертелгән документларны куллануның мөһимлеген ассызыклады. Ул билгеләп үткәнчә, аларны куллану имин һәм сыйфатлы төзелеш объектлары булдыру өчен нигез булып тора, шулай ук төзелеш срокларын кыскартырга, бюджет акчаларын нәтиҗәле тотарга һәм алдынгы төзелеш технологияләрен кулланырга ярдәм итә.
«ТР Дәүләт экспертизасы дәүләт хезмәтләре белән беррәттән дәүләтнеке булмаган хезмәтләр дә күрсәтә, шуларның берсе — материалларга, җиһазларга бәяләргә конъюнктур анализ ясау. Узган елда 22 000 позициядән артык материал һәм җиһаз, шулай ук 1 000нән артык смета һәм калькуляция бәясе тикшерелде.», – дип сөйләде ТР Дәүләт экспертизасының төзелеш ресурсларына бәяләр мониторингы бүлеге башлыгы Руслан Закиров.
Очрашу азагында заманча технологияләр һәм төзелеш трансформацияләре, шулай ук төзелешкә һәм проектлауга йогынты ясый торган икътисадый һәм экологик мәсьәләләр турында фикер алыштылар.
ТР Дәүләт экспертизасында мәгълүмати модельләштерү технологияләре ярдәмендә төзелеш объектларына экспертиза үткәрү турында мәгълүмати модельләштерү технологияләре секторының әйдәп баручы белгече Елизавета Кручинина сөйләде: «Мәгълүмати модельләштерүне куллану экспертиза процессын шактый гадиләштерә, проект карарларын төгәлрәк анализларга һәм объектның смета бәясен төгәл билгеләргә мөмкинлек бирә. Бюджет акчалары исәбеннән финанслана торган объектлар өчен экспертизага цифрлы мәгълүмати модель бирү мәҗбүри».
Коллегалар мәгълүмати модельләштерү технологияләрен кулланып башкарылган Казан шәһәре төзелеше объектларына визит кысаларында аралашуны дәвам итәргә һәм тагын берничә очрашу уздырырга килештеләр.