Россия төзелеш Министрлыгы төзелеш эшләренең смета бәясен яңадан исәпләү тәртибен аңлатты
ФГИС ЦС сайтында Россия Төзелеш министрлыгының 29.08.2024 елда чыккан 50069-СМ/09 номерлы мәгълүмат хаты басылып чыкты.
Әлеге хатта 2019 елның 23 декабрендә кабул ителгән Россия Төзелеш министрлыгының 841/пр номерлы боерыгы нигезендә шәһәр төзелеше эшчәнлеге өлкәсендә сатып алулар үткәргәндә башлангыч максималь контракт бәясен (БМКБ) билгеләү тәртибен куллану тәҗрибәсе гомумиләштерелгән.
Аерым алганда, хатта түбәндәге мәсьәләләр буенча аңлатмалар бирелгән:
- смета документларын раслау датасындагы бәяләр дәрәҗәсеннән БМКБ формалашу датасына кадәрге бәяләр дәрәҗәсенә күчү буенча смета бәясен яңадан исәпләү:
‒ актуаль смета-норматив базасы (ФСНБ-2022) кулланылган очракта;
‒ актуаль булмаган смета-норматив базасы кулланылган очракта;
- БМКБны исәпләгәндә дефлятор индексы куллану чыганагын сайлау һәм куллану тәртибе.
Россия төзелеш Министрлыгының 29.08.2024 елда чыккан 50069-СМ/09 номерлы хаты «Төзелеш, реконструкция, капиталь ремонт, капиталь төзелеш объектларын сүтү эшләре, Россия Федерациясе халыкларының мәдәни мирасын саклау эшләре буенча смета бәясен яңадан исәпләү турында».