Халыкара коррупциягә каршы көрәш көненә ТР Дәүләт экспертизасы плакатлар конкурсы үткәрде

2023 елның 9 декабре, шимбә

Ел саен 9 декабрьдә билгеләп үтелә торган Халыкара коррупциягә каршы көрәш көне алдыннан ТР Дәүләт экспертизасы «Коррупциягә каршы бергә!».

Бу көнне, 20 ел элек, Берләшкән Милләтләр Оешмасының коррупциягә каршы Конвенциясенә кул куелды. Россия әлеге Конвенциягә беренчеләрдән булып кул куйды һәм ратификацияләде. Шул вакыттан бирле безнең илдә коррупциягә каршы тору дәүләт сәясәте кысаларында гамәлгә ашырыла. Бу юнәлештәге эш РФ Президенты тарафыннан расланган Коррупциягә каршы торуның милли планы, «Коррупциягә каршы тору турында» 25.12.2008 №273-ФЗ Федераль законы һәм Татарстан Республикасының тиешле законы нигезендә алып барыла.

Конкурс өч яшь категориясе буенча уздырыла: 06 яшьтән 18 яшькә кадәр, 19 яшьтән 25 яшькә кадәр, 25 яшьтән өлкәнрәк.

Конкурсның максаты җәмәгатьчелекне коррупция күренешләрен профилактикалау өлкәсендә визуаль материаллар эшләүгә һәм куллануга җәлеп итү, коррупциягә каршы мәгърифәтчелек практикасын формалаштыру.

Конкурсның Бурычлары:

• коррупциягә каршы мәгърифәтчелек;
• җәмгыятьтә теләсә нинди коррупцион күренешләргә карата түземсезлек формалаштыру;
• ТР Дәүләт экспертизасының ачыклыгын һәм коррупциягә каршы көрәш, гражданлык җәмгыятенә һәм коррупциягә каршы көрәш өлкәсендә бергәләп эшләүгә юнәлдерелгән эшчәнлек алып баручы дәүләт органнарын күрсәтү;
• коррупциягә каршы тору мәсьәләләренә игътибар җәлеп итү;
• халыкның коррупциягә каршы тәртибен формалаштыруга, җәмгыятьтә коррупциягә каршы стандартларны популярлаштыруга һәм иҗтимагый хокук аңын үстерүгә юнәлдерелгән мәгърифәтчелек, мәгариф һәм башка чараларның нәтиҗәлелеген арттыру.