«ТР УГЭЦ» ДАУ делегациясе Себер төзелеш атнасында катнаша

2023 елның 15 феврале, чәршәмбе

«Себер төзелеш атнасы-2023» XI халыкара форум-күргәзмәсе Новосибирск өлкәсендә ачылды - чара бөтен Россия төзелеш индустриясен берләштерде.

Форум буенча фикер алышуның төп темалары төзелеш темпларын тизләтүнең стратегик мәсьәләләре булды, атап әйткәндә:

• 2035 елга кадәрге чорга фараз белән 2030 елга кадәр РФ төзелеш тармагын һәм торак-коммуналь хуҗалыгын үстерү стратегиясен гамәлгә ашыру буенча юл картасы;
• сәнәгать төзелешендә һәм җимерелгән территорияләрне торгызуда кулланыла торган иң яхшы тәҗрибәләр һәм технологияләр;
• Себердә торак һәм сәнәгать төзелеше перспективалары, инновацияләр кертү, төзелеш өлкәсендә технологик суверенитет, төзелеш тармагында бәя кую проблемалары, проектлауда һәм төзелештә цифрлаштыруны тизләтү.

«ТР УГЭЦ» ДАУ, Россия экспертлары ассоциациясе әгъзасы буларак, шулай ук форум-күргәзмәдә катнаша һәм мәгълүмати модельләштерү технологияләре буенча эксперт булып тора.

«Мондый чараларга бару тармакның иң мөһим вакыйгаларыннан хәбәрдар булып калырга, үз тәҗрибәң белән уртаклашырга һәм хезмәттәшләрең тәҗрибәсен үзләштерергә мөмкинлек бирә. Бу чарада Татарстан Дәүләт экспертизасы нәкъ менә шундый максат куя, - дип билгеләп үтә «ТР УГЭЦ» ДАУ директоры Рафар Шакиров.