2022 елда «ТР УГЭЦ» ДАУ куелган бурычларны үтәде һәм яңа эш алымнарын гамәлгә кертте

2023 елның 9 гыйнвары, дүшәмбе

«ТР УГЭЦ» ДАУ төзелеш объектларының иминлеген һәм ышанычлылыгын тәэмин итүгә, шулай ук бюджет акчаларын нәтиҗәле тотуга юнәлдерелгән хезмәт күрсәтү сыйфатын камилләштерә. Шулай итеп, 2022 елда конъюнктур анализ үткәрүне контрольдә тотуны көчәйтү буенча чаралар кабул ителде, экспертлар техник параметрларны чагыштыру өчен төзелеш объектларына чыга башладылар, шулай ук төзелешнең иң чик күрсәткечен арттыруны тикшерү өчен учреждениедә икътисади анализ һәм смета документациясен тикшерү өчен махсус бүлек булдырылды», - дип хәбәр итә «ТР УГЭЦ» ДАУ директоры Рафар Шакиров.

2022 елда 4141 бәяләмә бирелгән (шул исәптән ТИМ белән 18 проект) шулардан:

• 3344 - дәүләт экспертизасы
• 797 - дәүләтнеке булмаган экспертиза

Яңа 2022 елда экспертиза уздыруда:

• Кабат экспертиза бюджет акчаларын баш бүлүче - Татарстан Республикасы Төзелеш, архитектура һәм ТКХ министрлыгы рөхсәте белән генә үткәрелә. «ТР төзелеш бәясе» җыелма командасында төзелеш материалларына бәяләр булмаганда, конъюнктур анализ ясала.
• Конъюнктур анализ ясауны контрольдә тотуны көчәйтү буенча чаралар күрелде, объектны төзегәндә аналоглар кулланылырга мөмкин булса, төгәл маркалар күрсәтелмичә материаллар һәм җиһазлар характеристикалары файдаланыла.
• Яңа тәҗрибә кертелде: экспертлар конъюнктур анализга тәкъдим ителгән материалларның һәм җиһазларның техник параметрларын чагыштыру өчен төзелеш объектларына чыгалар.
• Заказчылар кыйммәтле яисә чит ил төзелеш материалларын проект карарлары белән куллануны нигезләргә тиеш, һәм аларны куллану объект буенча бүлеп бирелгән финанслауның иң чик лимитыннан артмаска тиеш.
• Инвестицияләрне планлаштыру стадиясендә без төзелеш бәясен тикшерәбез, ул иң чик күрсәткечтән артмасын өчен. Моның өчен безнең Учреждениядә икътисадый анализ һәм смета документациясен тикшерүнең махсус бүлеге булдырылды.