«ТР төзелеш һәм архитектура буенча дәүләт экспертизасы һәм бәя кую идарәсе» ДАУда ТР Төзелеш, архитектура һәм торак-коммуналь хуҗалык министры Марат Айзатуллин катнашында түгәрәк өстәл узды
Бүген 2022 нче елның 13 нче сентябре көнне «ТР төзелеш һәм архитектура буенча дәүләт экспертизасы һәм бәя кую идарәсе» ДАУда төзелеш объектларына экспертиза үткәрүнең актуаль мәсьәләләре буенча «түгәрәк өстәл» утырышы узды. Түгәрәк өстәл ТР Төзелеш, архитектура һәм торак-коммуналь хуҗалык министры Марат Айзатуллин һәм «ТР төзелеш һәм архитектура буенча дәүләт экспертизасы һәм бәя кую идарәсе» ДАУ директоры Рафар Шакиров үткәрде.
Киңәшмәдә «ТР төзелеш һәм архитектура буенча дәүләт экспертизасы һәм бәя кую идарәсе» ДАУ директор урынбасарлары, идарә башлыклары, бүлек башлыклары катнашты.
Киңәшмә кысаларында актуаль мәсьәләләр каралды:
- Проект документларына дәүләт экспертизасын һәм (яки) инженерлык тикшеренүләре нәтиҗәләрен үткәрү, смета бәясен билгеләүнең дөреслеген тикшерү этаплары;
- Капиталь кертемнәрне планлаштыру стадиясендә объектларны тикшерүне үткәрү этаплары;
- Төзелеш ресурсларын мониторинглау;
- Материалларга бәя (конъюнктур) анализ үткәрү этаплары;
- Мәгълүмати модельләштерү технологияләрен кулланып башкарылган төзелеш объектларына экспертиза;
- Кабат дәүләт экспертизасы үткәрү;
- Татарстан Республикасында төзелеш объектларына дәүләти булмаган экспертиза үткәрү статистикасы.
Марат Айзатуллин билгеләп үткәнчә, «ТР төзелеш һәм архитектура буенча дәүләт экспертизасы һәм бәя кую идарәсе» ДАУ эшчәнлеге республика һәм федераль программаларны тормышка ашыруда төп роль уйный. «Республикада төзелә торган объектларның иминлеге, сыйфаты һәм бәясе күбесенчә сезгә бәйле. Төзелеш өлкәсендә барган үзгәрешләрне исәпкә алып, без яңа шартларга тиз ияләшергә һәм куелган бурычларны нәтиҗәле үтәргә тиешбез», – диде ул.
Рафар Шакиров хәбәр иткәнчә, проект документларына кабат экспертиза бюджет акчаларын баш бүлүче – ТР Төзелеш, архитектура һәм ТКХ Министрлыгы рөхсәте белән генә үткәрелә. «Проект документларына үткәрелә торган экспертиза дәрәҗәсендә проект карарларын оптимальләштерү буенча чаралар күрелде, алар объектның бәясен нигезсез арттыруга һәм бюджеттан өстәмә чыгымнарга китерә. Бу карарлар биналар һәм корылмалар куркынычсызлыгына тәэсир итми», – дип билгеләп үтте ул.