Әлмәт шәһәрендә 1224 укучыга исәпләнгән мәктәп төзелеше буенча «Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесенең бәяләмәсе
«Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесенең уңай нәтиҗәсен Әлмәт шәһәрендәге Ринат Галиев урамы буенча урнашкан «Адымнар – белем һәм ризалыкка юл» полилингваль белем бирү комплексы кысаларында 1224 укучыга исәпләнгән урта гомуми белем бирү мәктәбе төзелеше объекты алды.
Объектның генераль проектчысы – «Татинвестгражданпроект» ДУП, техник заказчысы –«ГИСУ», төзүче-Татарстан Республикасы Әлмәт муниципаль районының мәгариф идарәсе.
Проект нигезендә 1224 укучыга исәпләнгән 3 катлы урта гомуми белем бирү мәктәбе төзү каралган, аның территориясенең гомуми мәйданы 26 526 кв. м тәшкил итә.
Мәктәп территориясендә түбәндәге функциональ зоналар бүлеп бирелә:
- физкультура-спорт зонасы;
- ял зонасы.
Физкультура-спорт зонасына хоккей, футбол, баскетбол һәм волейбол мәйданчыклары, гимнастика мәйданчыклары һәм спорт уеннары өчен мәйданчык, туп ыргыту һәм сикерүләр керә.
Ял итү зонасы укучылар яшенә карап, тынлы ял һәм хәрәкәтчән уеннар өчен мәйданчыкларны үз эченә ала.
Мәктәпнең төп ишеге янында укучыларны җыю һәм тантаналы чаралар үткәрү өчен мәйданчык урнаштыру каралган. Аннан читтә 11 машина урынына исәпләнгән автостоянка урнашачак.
Төзелешләрдән һәм нинди дә булса катламнардан буш булган Зона куаклар, чәчәкләр утырту һәм газон чәчү белән яшелләндереләчәк. Мәктәп территориясе периметры буенча агачлар утырту һәм тере коймалар утырту планлаштырыла.