Татарстан Республикасы Төзелеш, архитектура һәм торак-комуналь хуҗалык министрлыгы тарафыннан капиталь төзелеш объектының мәгълүмати моделен формалаштыру тәртибе эшләнде

2022 елның 15 марты, сишәмбе

РФ Хөкүмәтенең 05.03.2021 ел, № 331 карары нигезендә, 2022 елның 1 гыйнварыннан бюджет акчаларын җәлеп итеп финанслана торган объектларны төзү, реконструкцияләү өчен проект документларын әзерләү турында шартнамәләр төзегәндә, объектның мәгълүмати моделен формалаштыру һәм алып бару заказ бирүче, төзүче һәм эксплуатацияләүче оешма өчен мәҗбүри була.

Татарстан Республикасы Төзелеш, архитектура һәм торак-комуналь хуҗалык министрлыгы «Проект документациясе», «Эш документациясе» стадиясендә капиталь төзелеш объектының мәгълүмат моделен формалаштыру тәртибен эшләде.

Әлеге тәртип үз эченә ала:

• Мәгълүмат моделенә гомуми кагыйдәләр;
• Проектны модельләр файлларына бүлү;
• Бүлекләр буенча модельләргә гомуми кагыйдәләр;
• Модельнең сыйфатын тәэмин итүнең гомуми кагыйдәләре;
• Модельне эшләү дәрәҗәсен билгеләү кагыйдәләре;
• Модельне тапшыру;
• Мәгълүмат моделе бүлекләренең составы;
• Файллар исеменә кагыйдәләр;
• Программа белән тәэмин итү кагыйдәләре;
• Проект нәтиҗәләре составы һәм форматлары буенча кагыйдәләр;
• Мәгълүмати модельләрнең сыйфатына кагыйдәләр;
• Модельләрне тикшерү тәртибе.

Объектның мәгълүмати модельләрен булдыру эшләрен башкару кысаларында Башкарма заказчыга, заказ бирүчегә керү өчен махсус бүлеп бирелгән мәгълүмати киңлектә СОДда урнаштыру юлы белән, модельнең актуаль версиясенә керү мөмкинлеген тәэмин итә. Модельне яңарту ике атнага бер тапкыр башкарылырга тиеш.

Капиталь төзелеш объектының мәгълүмат моделен формалаштыру тәртибе