Мәҗит Салихов – «Героям – быть!» социаль проектының финалисты
«Татарстан Республикасының Төзелеш һәм архитектура буенча дәүләт экспертизасы һәм бәяләр билгеләү идарәсе» ДАУ җитәкчесе Мәҗит Салихов «Героям – быть!» дип исемләнгән бөтенроссия социаль проектының финалына үтеп «Народный герой» исеменә лаек булды.
Бөтенроссия «Героям – быть!» конкурсы 2015 нче елдан бирле үткәрелә. Әлеге бәйгенең төп максаты җәмгыятьнең игътибарын кешеләрнең намуслы һәм фидакарь хезмәтенә җәлеп итү, социаль әһәмиятле гамәлләрне һәм волонтерлыкны пропагандалау, кешегә, гаиләгә һәм дәүләткә хөрмәт белән карауның уңай мисалларын тудыру.
Мәҗит Салиховның Татарстан Республикасы Саба районы Татар Икшермәсе авылында Бөек Ватан сугышында җиңүнең 75 еллыгына багышланган сугыш хәрәкәтләрендә катнашучыларга багышланган обелиск төзү инициативасы халык күңелендә лаеклы чагылыш тапты. Обелиск авылның иң мөһим объектларының берсе - мәңгелек хәтер символы һәм җирле халыкның саклаучысы булып тора, ә Мәҗит Салихов чын мәгънәсендә халык герое дип санала.
Әлеге конкурс «Быть человеком», «Спасательный круг», «Оберегая планету», «Всегда в сердце», «Команда героев», «Вирус добра» һәм «Народный герой» номинацияләре буенча үткәрелә.
Барлык катнашучыларны котлыйбыз һәм конкурста җиңүләр телибез!