Мәҗит Салихов проектлаучылар көне белән котлый!
Хөрмәтле коллегалар, кадерле дуслар!
«Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесе исеменнән һәм шәхсән үз исемемнән сезне проектлаучылар көне белән котлыйм!
Соңгы елларда төзелештә технологияләр алга китте. Бу проектлау процессына да кагыла-мәгълүмати модельләштерү технологияләре безнең тормышыбызның бер өлешенә әйләнәләр. Проектлауда чын-чынлап чиксез мөмкинлекләр ачучы алдынгы карарлар югары профессиональлек һәм алга таба да күрә белүне таләп итә. Шуңа күрә проектлаучы һөнәре һәрвакыт иң технологик һәм прогрессив һөнәр булып тора.
Сез үз һөнәрегезгә хезмәт итәсез, төрле объектлар проектларын эшләп, республикада да, бөтен илдә дә лаеклы Архитектура мирасын тәэмин итәсез. Сез хезмәт сөючәнлек һәм үҗәтлек күрсәтеп, үз бурычыгызны җаваплы башкарасыз. Сезнең эшегезнең нәтиҗәсе-төзелеш һәм кешенең имин һәм уңайлы тормышы өчен нигез.
Бу матур көндә без Сезгә нык сәламәтлек, озын гомер, көч, үсеш һәм талантларыгызның камилләшүен телибез. Сезне беркайчан да илһам ташламасын, ә сезнең һөнәри осталыгыгыз даими рәвештә үссен. Сезгә иминлек, эшегездән ләззәт, шулай ук яңа кызыклы проектлар телибез. Бәхетле һәм сөекле булыгыз!
Хөрмәт белән, «Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» ДАУ директоры Мәҗит Салихов