Россия төзелеш министрлыгы экспертиза үткәрү өчен документларның электрон форматына карата таләпләрне төгәлләштерде

2021 елның 20 сентябре, дүшәмбе

Россия төзелеш министрлыгы билгеләп үткәнчә, 2021 елның 1 декабреннән (проект эшләрен башкаруга карата шартнамәләр 2021 елның 18 маена кадәр төзелгән очраклардан тыш), локаль смета хисаплары өчен XML-форматны кулланмыйча гына, экспертиза өчен проект документларын кабул итү тыелачак

• Проект документларына һәм (яки) инженерлык эзләнүләр нәтиҗәләренә дәүләт экспертизасын үткәрү һәм смета бәясен дөрес итеп билгеләүне тикшерү өчен тапшырыла торган электрон документлар, Россия төзелеш министрлыгы сайтында урнаштырылган схемалар нигезендә, xml форматындагы файллар рәвешендә тапшырыла (2017 елның 12 маенда чыккан 783/пр номерлы Россия төзелеш министрлыгының боерыгы белән расланган таләпләрнең 2 п.).
• 2021 елның 18 маена кадәр төзелгән шартнамәләрдә XML-документ форматын мәҗбүри куллану турында таләпләр каралмаган булырга мөмкин.
• 2021 елның 18 августыннан башлап, башкалар белән беррәттән, XML форматында экспертизага документларны кабул итүнең техник мөмкинлеге тәэмин ителә.
• Документларны кабат карап үтү өчен документлар башта экспертизага җибәрелгән форматта бирелә.

«Капиталь төзелеш объектларының төзелеше, үзгәртеп корылуы, капиталь ремонты өчен смета бәясен дөрес итеп билгеләүне тикшерү һәм проект документларына һәм (яки) инженерлык эзләнүләр нәтиҗәләренә дәүләт экспертизасын үткәрү өчен тапшырыла торган электрон документлар форматына карата таләпләр турында» 2021 елның 19 августында чыккан 35078-ИФ/09 номерлы Россия төзелеш министрлыгының хаты